ରୋହିତ ଶର୍ମାଙ୍କ ଦମ୍ଦାର ବ୍ୟାଟିଂ, ଭାଙ୍ଗିଲେ ଦ୍ରାବିଡ୍ଙ୍କ ରେକର୍ଡ
ବିଶାଖାପାଟଣା : ଭାରତ ତରଫରୁ ଟେଷ୍ଟ ଫର୍ମାଟରେ ଓପନିଂ କରୁଥିବା ରୋହିତ ଶର୍ମା ନିଜ ଦମ୍ଦାର ବ୍ୟାଟିଂରେ ଦର୍ଶକଙ୍କୁ ବାନ୍ଧି ରଖିଛନ୍ତି। ଦକ୍ଷିଣ ଆଫ୍ରିକା ବିପକ୍ଷରେ ବିଶାଖାପାଟଣାରେ ଖେଳାଯାଉଥିବା ପ୍ରଥମ ଟେଷ୍ଟର ଚତୁର୍ଥ ଦିନରେ ରୋହିତ ଏକ ବଡ଼ ଉପଲବ୍ଧି ନିଜ ନାଁରେ କରିଛନ୍ତି।
ଭାରତ ମାଟିରେ ରୋହିତ ଟେଷ୍ଟ ମ୍ୟାଚ୍ରେ ଲଗାତାର ୭ମ ଥର ୫୦+(୮୨,୫୧*,୬୫,୫୦*,୧୭୬,୫୦*) ରନ୍ କରି ୫୦ରୁ ଊର୍ଦ୍ଧ୍ୱ ଖେଳିଥିବା ବ୍ୟାଟ୍ସମ୍ୟାନ୍ ଭିତରେ ନିଜକୁ ସାମିଲ କରିଛନ୍ତି। ଏହି ରନ୍ କରିବା ପରେ ସେ ରାହୁଲ ଦ୍ରାବିଡ୍ଙ୍କ ରେକର୍ଡ ଭାଙ୍ଗିଛନ୍ତି। ରାହୁଲ ୧୯୯୭-୧୯୯୮ର ଟେଷ୍ଟ ମ୍ୟାଚ୍ରେ ଲଗାତାର ୬ ଥର ୫୦ରୁ ଊର୍ଦ୍ଧ୍ୱ ରନ୍ କରିଥିଲେ।