ଫେସବୁକରେ ନିଜ ସ୍ତ୍ରୀର ଅଶ୍ଲିଳ ଫଟୋ କରୁଥିଲେ ଭାଇରାଲ
ଗଜପତି : ଫେସବୁକରେ ନିଜ ସ୍ତ୍ରୀର ଅଶ୍ଲିଳ ଫଟୋ । ତାହା ପୁଣି କୌଣସି ପର ପୁରୁଷ ନୁହେଁ ବରଂ ଖୋଦ୍ ସ୍ବାମୀ କରିଛି ଏହି କରାନାମା। ବିଭିନ୍ନ ଅନ୍ତରଙ୍ଗ ମୁହୂର୍ତ୍ତର ଆପତ୍ତିଜନକ ଫଟୋ। ଗୋଟିଏ ପରେ ଗୋଟିଏ ଭାଇରାଲ ହେଲା ସୋସିଆଲ ମିଡିଆରେ। ଏମିତି କି ଏହି ଫଟୋ ସବୁ ନିଜେ ସ୍ତ୍ରୀଙ୍କ ପାଖକୁ ପଠାଉ ଥିଲା ଅଭିଯୁକ୍ତ ସ୍ବାମୀ। ଫେସବୁକରେ ନିଜର ଅଶ୍ଳୀଳ ଫଟୋକୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ସ୍ତ୍ରୀ । ପରେ ପୋଲିସରେ ଅଭିଯୋଗ କରି ଅଭିଯୁକ୍ତ ସ୍ବାମୀକୁ ଗିରଫ କରାଇଛନ୍ତି।
ଏଇ ଘଟଣାଟି ହେଉଛି ଗଜପତି ଜିଲ୍ଲା ପାରଳାଖେମୁଣ୍ଡି ଅଞ୍ଚଳର। ସବୁଠାରୁ ଆଶ୍ଚର୍ଯ୍ୟକର କଥା ହେଉଛି ଅଭିଯୁକ୍ତ ଜି. ସତୀଶ ପେସାରେ ଜଣେ ଶିକ୍ଷକ। ଯିଏ ଅନ୍ୟମାନଙ୍କୁ ଭଲ କଥା ଶିଖାଇବା ସହ ପଥ ଭ୍ରଷ୍ଟରୁ ବଞ୍ଚାଏ ସେ ଆଜି ନିଜେ ପଥଭ୍ରଷ୍ଟ ହୋଇଛି। କିଛି ବର୍ଷ ତଳେ ସତୀଶଙ୍କର ବିବାହ ହୋଇଥିଲା । କିନ୍ତୁ ପତ୍ନୀଙ୍କ ସହ ପଡ଼ିଲା ନାହିଁ । ଏହି କାରଣରୁ ଛାଡପତ୍ର ଦେଇ ଅଲଗା ହୋଇଗଲେ । ପରେ ସତୀଶ ଅନ୍ୟ ଜଣଙ୍କୁ ବିବାହ କରି ସଂସାର ଗଢିଥିଲା। କିନ୍ତୁ ମୁଣ୍ଡରେ ଜୁଟିଥିଲା ଶଇତାନୀ ବୁଦ୍ଧି । ପ୍ରଥମ ପତ୍ନୀକୁ କିପରି ଅସୁବିଧାରେ ପକାଇବ ସେଥିପାଇଁ ଚକ୍ରାନ୍ତ କରୁଥିଲା। ଆଉ ଫେସବୁକରେ ଏକ ଫେକ ଆକାଉଣ୍ଟ ଖୋଲି ସେଥିରେ ପ୍ରଥମ ପତ୍ନୀଙ୍କ ସହ ପୂର୍ବରୁ ଉଠାଇଥିବା ଅନ୍ତରଙ୍ଗ ମୁହୂର୍ତ୍ତର ଫଟୋ ସବୁକୁ ପୋଷ୍ଟ କରି ଚାଲିଲା। ପରେ ସେହି ଅଶ୍ଳୀଳ ଫଟୋ ଗୁଡିକୁ ନିଜ ପ୍ରଥମ ସ୍ତ୍ରୀକୁ ପଠାଇଲା। ହେଲେ ଏଥର ଆଉ ରକ୍ଷା ପାଇଲା ନାହିଁ । କିଛି ଦିନ ନିରବ ରହିବା ପରେ ପ୍ରଥମ ପତ୍ନୀ ସତୀଶ ବିରୋଧର ପୋଲିସରେ ଅଭିଯୋଗ କଲେ। ଆଉ ତା ପରେ ଗଜପତି ପୋଲିସ ଅଭିଯୁକ୍ତ ସତୀଶକୁ ଗିରଫ କରି କୋର୍ଟ ଚାଲାଣ କରିଛି। ତେବେ ଭବିଷ୍ୟର ନାଗରିକଙ୍କୁ ଗଢୁଥିବା ଏହି ଶିକ୍ଷକ ଜଣକ ସମାଜକୁ ବାଟ ଦେଖାଇବେ କଣ ନିଜେ ବାଟହୁଡ଼ି ଏବେ ଜେଲ୍ରେ ।