ଭାଇରାଲ ହେଉଛି ମୁଖ୍ୟମନ୍ତ୍ରୀଙ୍କ ଏହି ଭିଡିଓ
ଭୁବନେଶ୍ୱର() ବିଦେଶରୁ ଫେରିଥିଲେ ପହଁଚିବାର ୨୪ ଘଂଟା ମଧ୍ୟରେ ବାଧ୍ୟତାମୂଳକ ଭାବେ ଟ୍ରୋଲ ଫ୍ରି ନମ୍ବର ୧୦୪ କିମ୍ବା ଅନଲାଇନ ମାଧ୍ୟମରେ ପଞ୍ଜିକରଣ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅପିଲ କରିଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି, ଆପଣଙ୍କ ସହଯୋଗ ହିଁ ନିଜ ପରିବାର ଓ ଓଡିଶାକୁ ସୁରକ୍ଷିତ ରଖିବ । କରୋନା ମୁକାବିଲା ନେଇ ରାଜ୍ୟରେ ଜନସାଧାରଣଙ୍କୁ ସତର୍କତା ଏବଂ ସଚେତନତା କରିବା ପାଇଁ ଅନବରତ ପ୍ରୟାସ ଜାରି ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ପରିପ୍ରେକ୍ଷୀରେ ଆଜି ପୁଣି ଥରେ ଟୁଇଟ୍ କରି ମୁଖ୍ୟମନ୍ତ୍ର୍ୀ ଏହି ମାରାତ୍ମକ ଭୂତାଣୁ ସଂକ୍ରମଣରୁ ରକ୍ଷା ପାଇବାକୁ ହେଲେ ସମସ୍ତଙ୍କ ସହାୟତା ଆବଶ୍ୟକ ବୋଲି ନିବେଦନ କରିଛନ୍ତି । ଏନେଇ ଏକ ଦେଢ ମିନିଟର ଭିଡିଓରେ କରୋନାର ମୁକାବିଲା ପାଇଁ ଲୋକଙ୍କୁ ସଚେତନ କରିଛନ୍ତି ମୁଖ୍ୟମନ୍ତ୍ରୀ ।
I appeal everyone coming from abroad to mandatorily register themselves through toll free number-104 or online portal https://t.co/dAGGzSp7jV within 24 hours of arrival, to prevent spread of #COVID19 in #Odisha.Self disclosure will help us in tracking and containing the pandemic. pic.twitter.com/j6tpC5IDTE
— Naveen Patnaik (@Naveen_Odisha) March 18, 2020
ଭିଡିଓରେ ମୁଖ୍ୟମନ୍ତ୍ରୀ କହିଛନ୍ତି , କରୋନା ଆଜି ସାରା ବିଶ୍ୱରେ ଏକ ବଡ ସ୍ୱାସ୍ଥ୍ୟ ସମସ୍ୟା ଭାବେ ଦେଖାଦେଇଛି । କେବଳ ସଚେତନତା ହିଁ ଏହାକୁ ରୋକିପାରିବ । ଏଥିପାଇଁ ରାଜ୍ୟ ସରକାର ଅନେକ ପଦକ୍ଷେପ ନେଇଛନ୍ତି । ତେଣୁ ବିଦେଶରୁ ଫେରୁଥିବା ଭାଇ-ଭଉଣୀଙ୍କୁ ମୋର ନିବେଦନ କି ଆପଣମାନେ ଓଡିଶାରେ ପହଂଚିବାର ୨୪ ଘଂଟା ମଧ୍ୟରେ ୧୦୪ ଟୋଲ ଫ୍ରି ନମ୍ବର ଏବଂ ଅନଲାଇନ ମାଧ୍ୟମରେ ନିଜର ପଞ୍ଜିକରଣ କରନ୍ତୁ । ଆପଣଙ୍କ ପକ୍ଷରୁ ଆପଣଙ୍କ ପରିବାର ଲୋକେ ମଧ୍ୟ ପଂଜିକରଣ କରିପାରିବେ । ଆପଣଙ୍କୁ ମୋର ଅନୁରୋଧ ବିଦେଶରୁ ଫେରିବା ପରେ ନିଜ ଘରେ ୧୪ ଦିନ ଅଲଗା ରୁହନ୍ତୁ ।