Odia News Portal

ବିଧବା ପରିବା ବିକାଳିଙ୍କୁ ଟେକିନେଇ ୨ଦିନ ଦୁଷ୍କର୍ମ କଲେ ୩ ଦୁର୍ବୁତ

ସୁନ୍ଦରଗଡ଼: କିଛି କ୍ଷଣର ସୁଖ ଲାଗି ମଣିଷ ପାଲଟିଯାଉଛି ପଶୁ । ଦେହର ସୁଖ ଲାଗି ଅନ୍ୟର ଦୁଃଖ ବୁଝ଼ିଲେନି ନର ପିଚାଶ । ବିଧବା ମହିଳାଙ୍କୁ ଟେକି ନେଇ ଦୁଇଦିନ ଦୁଷ୍କର୍ମ କଲେ ୩ ଦୁର୍ବୁତ । ସୁନ୍ଦରଗଡ଼ ଜିଲ୍ଲା କୋଇଡ଼ା ଅଞ୍ଚଳରୁ ଆସିଛି ଏଭଳି ଲଜ୍ଜାଜନକ ଖବର । ପୋଲିସ ଏହି ମାମଲାରେ ଜଣେ ନାବାଳକ ସହ ୩ଜଣ ଅଭିଯୁକ୍ତଙ୍କୁ ଗିରଫ କରିଛି । ଘଟଣାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି ।

ପିଡିତା ମହିଳା ଜଣକ କୋଇଡା ବଜାରରୁ ପରିବା ବିକ୍ରି କରି ଘରକୁ ଫେରୁଥିବା ବେଳେ ଗୁରୁଦ୍ୱାରା ଛକ ନିକଟରୁ ଦୁର୍ବୁତମାନେ ଏକ ସ୍କର୍ପିଓରେ ଆସି ଟେକି ନେଇଯାଇଥିଲେ । ନିକଟରେ ଥିବା ଏକ କାଜୁ ଫିଲ୍ଡକୁ ନେଇ ଗୁରୁବାର ଓ ଶୁକ୍ରବାର ଦୁଇଦିନ ଧରି ଦୁଷ୍କର୍ମ କରିଥିଲେ । ସୌଭାଗ୍ୟବଶତଃ ମହିଳା ଜଣକ ସେଠାରୁ ଚାଲାକ କରି ଖସିପଳାଇ ଆସିଥିଲେ । ତେବେ ଏହି କଥା କାହା ଆଗରେ କହିଲେ ଜୀବନରୁ ମାରିଦେବା ଲାଗି ଧମକ ଦେଇଥିଲେ ଅଭିଯୁକ୍ତମାନେ ।

ସେମାନଙ୍କ ନିକଟରୁ ଖସି ଆସିବା ପରେ ସାହସ ଜୁଟାଇ ଥାନାରେ ଅଭିଯୋଗ କରିଛନ୍ତି ମହିଳା । ଏହି ଆଧାରରେ ପୋଲିସ ଅଭିଯୁକ୍ତଙ୍କୁ ଗିରଫ କରିଛି । ସେପଟେ ଦୁଷ୍କର୍ମ କରିବା ପରେ ଅଭିଯୁକ୍ତମାନେ ମହିଳାଙ୍କ ନିକଟରୁ ୨୩ହଜାର ଟଙ୍କା ମଧ୍ୟ ଛଡାଇ ନେଇଥିବା ସେ କହିଛନ୍ତି । ଅଭିଯୁକ୍ତଙ୍କୁ କଠୋର ଦଣ୍ଡ ଦେବା ଲାଗି ସେ ଦାବି କରିଛନ୍ତି ।