ଇଡିରେ ହାଜର ହେଲେ ପ୍ରଦୀପ ପାଣିଗ୍ରାହୀଙ୍କ ଝିଅ

ସ୍ୱାଧିକାର ନ୍ୟୁଜ : ଇଡିରେ ହାଜର ହୋଇଛନ୍ତି ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ଝିଅ ଶ୍ରୁତି ପାଣିଗ୍ରାହୀ । ଅଭୟକାନ୍ତ ପାଠକ ଓ ଆକାଶ ପାଠକଙ୍କୁ ଜେରା ବେଳେ ଶ୍ରୁତିଙ୍କ ଆକାଉଣ୍ଟକୁ ଟଙ୍କା କାରବାର ହୋଇଥିବା ଜାଣିବାକୁ ପାଇଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ସେହି ଲିଙ୍କରେ ତାଙ୍କୁ ଆଜି ପଚରାଉଚୁରା କରାଯାଇଛି ।

ଅଭୟ ପାଠକଙ୍କ ପୁଅ ଆକାଶ ସହ ଶ୍ରୁତିଙ୍କ ବିବାହ ସ୍ଥିର ହୋଇଥିଲା । କିନ୍ତୁ ଏହା ପୂର୍ବରୁ ଆୟ ବହିର୍ଭୁତ ସମ୍ପତି ଠୁଳ ମାମଲାରେ ପ୍ରଥମେ ଅଭୟ ଓ ପରେ ପୁଅ ଆକାଶ ଗିରଫ ହୋଇଥିଲା । ଏହି ମାମଲାରେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ମଧ୍ୟ ଗିରଫ ହୋଇଥିଲେ । ଏହାପରେ ଝିଅ ଶ୍ରୁତି ଆକାଉଣ୍ଟ ଖୋଳତାଡ କରିଥିଲା ଇଡି । ତେବେ ଶ୍ରୁତି ଆକାଉଣ୍ଟରେ ବହୁ ଅର୍ଥ କାରବାର ହୋଇଥିବା ଜାଣିବାକୁ ପାଇଛି ଇଡି । ଯାହାକୁ ନେଇ ତାଙ୍କୁ ହାଜର ହେବାକୁ ନୋଟିସ ଦିଆଯାଇଥିଲା । ଆଜି ଶ୍ରୁତି ହାଜର ହୋଇଛନ୍ତି ।