୪ ନାବାଳକ ଓ ନାବାଳିକାଙ୍କ ସଲୀଳ ସମାଧି

ଢେଙ୍କାନାଳ () ଢେଙ୍କାନାଳ ଜିଲ୍ଲା ସଦରଥାନା ଅନ୍ତର୍ଗତ ଗୋବିନ୍ଦପୁର ଅଞ୍ଚଳ ବାରବାଙ୍କ ସାହିରେ ପୋଖରୀରେ ବୁଡି ୪ଜଣ ନାବାଳକ ଓ ନାବାଳିକା ଶୋଚନୀୟ ଭାବେ ମୃତ୍ୟୁବରଣ କରିଥିବା ଖବର ମିଳିଛି । ଏହି ୪ଜଣଙ୍କ ମଧ୍ୟରେ ୨ ଜଣ ନାବାଳକ ଓ ୨ଜଣ ନାବାଳିକା ଅଛନ୍ତି । ସେମାନେ ସମସ୍ତ ସମ୍ପର୍କୀୟ ଭାଇଭଉଣୀ ବୋଲି ଜଣାପଡିଛି । ସେମାନେ ସାଙ୍ଗ ହୋଇ ପୋଖରୀକୁ ଗାଧୋଇ ଯାଇଥିବା ବେଳେ ଏହି ମର୍ମନ୍ତୁତ ଦୁର୍ଘଟଣାର ସମ୍ମୁଖୀନ ହୋଇଥିଲେ । ଗାଧୋଉ ଥିବା ବେଳେ ପୋଖରୀରେ ଗୋଡ ଖସିଯିବାରୁ ସେମାନେ ବୁଡି ଯାଇଥିବା ଅନୁମାନ କରାଯାଉଛି । ଗ୍ରାମବାସୀ ମାନେ ସମସ୍ତଙ୍କୁ ସଙ୍ଗୀନ ଅବସ୍ଥାରେ ଉଦ୍ଧାର କରି ଡାକ୍ତରଖାନାକୁ ନେଇଥିଲେ । ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ । ଏହି ଘଟଣା ସମ୍ପୂକ୍ତ ଅଞ୍ଚଳରେ ସୋକର ଛାୟା ଖେଳାଇ ଦେଇଛି ।