ଆଉ ୫୯୧ କରୋନା ପଜିଟିଭ ଚିହ୍ନଟ, ୧୯୭ ଲୋକାଲ କେସ
ଭୁବନେଶ୍ୱର() ଆଜି ରାଜ୍ୟରେ ୨୫ଟି ଜିଲ୍ଲାରୁ ୫୯୧ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ୩୯୪ ଜଣ କ୍ୱାରେଣ୍ଟାଇନ୍ରେ ଥିବା ବେଳେ ୧୯୭ ରୋଗୀ ସ୍ଥାନୀୟ ସଂକ୍ରମିତ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୧୬,୭୦୧ ରେ ପହଞ୍ଚିଛି । ଏ ନେଇ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି।
ତେବେ ଆଜି ଗଞ୍ଜାମ ଜିଲ୍ଲାରୁ ୧୮୨ ଜଣ, ଖୋର୍ଦ୍ଧାରୁ ୧୨୧ ଜଣ, କଟକରୁ ୩୮ଜଣ, ବରଗଡ଼ରୁ ୩୫ ଜଣ, ଜଗତସିଂହପୁର, ମୟୂରଭଞ୍ଜ ଓ ନବରଙ୍ଗପୁର ଜିଲ୍ଲାରୁ ୨୨ଜଣ ଲେଖାଏଁ, ସମ୍ବଲପୁରରୁ ୨୦ଜଣ, ଯାଜପୁରରୁ ୧୯ ଜଣ, ସୁନ୍ଦରଗଡ଼ରୁ ୧୮ ଜଣ, ବାଲେଶ୍ବରରୁ ୧୩ ଜଣ, ନୟାଗଡ଼ରୁ ୧୧ଜଣ, ବଲାଙ୍ଗୀର ଓ ଢ଼େଙ୍କାନାଳରୁ ୯ଜଣ ଲେଖାଏଁ, କେନ୍ଦ୍ରାପଡ଼ା ଓ ମାଲକାନଗିରିରୁ ୮ଜଣ ଲେଖାଏଁ, କେନ୍ଦୁଝର ଓ ପୁରୀରୁ ୬ଜଣ ଲେଖାଏଁ, ବୌଦ୍ଧ ଓ ଝାରସୁଗୁଡାରୁ ୫ଜଣ ଲେଖାଏଁ, କୋରାପୁଟରୁ ୪ଜଣ, ଭଦ୍ରକ ଓ ଦେବଗଡ଼ରୁ ୩ଜଣ ଲେଖାଏଁ, ଅନୁଗୁଳ ଓ ରାୟଗଡ଼ାରୁ ଜଣେ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି।