ଭାସୁଛି ନବଜାତ ଶିଶୁର ମୃତଦେହ

ଭଦ୍ରକ: ପୋଖରୀରେ ଭାସୁଛି ନବଜାତ ଶିଶୁର ମୃତଦେହ । ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ଥାନା ହଳଦୀଗଡିଆ ଗାଁରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଗୋଟିଏ ନବଜାତ ଶିଶୁକୁ କେହି ଫୋଫାଡି ଦେଇ ଚାଲିଯାଇଛି । ଏପରିକି ଶିଶୁଟିର ନାଭି ମଧ୍ୟ କଟାଇନଥିବା ଦେଖିବାକୁ ମିଳିଛି । ଶିଶୁଟି କାହାର ଏବଂ କାହିଁକି ଫୋପାଡି ଚାଲିଯାଇଛି ତାହା ସ୍ପଷ୍ଟ ହୋଇନାହିଁ । କୁମାରୀ ମାତୃତ୍ୱ ହୋଇଥାଇପାରେ ବୋଲି ମଧ୍ୟ ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି । ତେବେ ପୋଲିସର ତଦନ୍ତ ପରେ ପ୍ରକୃତ ସତ୍ୟାସତ୍ୟ ଜଣା ପଡିବ ବୋଲି ଆଶା କରାଯାଉଛି । ତେବେ ଖବର ପ୍ରସାରଣ କରାଯିବା ସୁଦ୍ଧା ଶିଶୁଟିର ମୃତଦେହକୁ ଉଦ୍ଧାର କରାଯାଇନାହିଁ ।