କରୋନାରୁ ସୁସ୍ଥହେଲେ ବିଜୟ ମହାପାତ୍ର

ଭୁବନେଶ୍ୱର: ଦୀର୍ଘଦିନ ହେବ କରୋନା ରୋଗରେ ଆକ୍ରାନ୍ତ ଥିଲେ ବିଜେପି ନେତା ବିଜୟ ମହାପାତ୍ର । ଆଜି ସେ କରୋନାରୁ ସୁସ୍ଥ ହୋଇଛନ୍ତି । ସୁସ୍ଥ ହେବା ପରେ ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କୁ ଧନ୍ୟବାଦ ଜଣାଇଛନ୍ତି ବିଜୟ । ତେବେ ସମସ୍ତେ ସଚେତନାର ସହ ଚଳିବା ଲାଗି ନିବେଦନ କରିଛନ୍ତି ସେ ।

ସୂଚନା ଥାଉକି, ବିଜେପିର ବରିଷ୍ଠ ନେତା ହେଉଛନ୍ତି ବିଜୟ ମହାପାତ୍ର । ବିଜୁବାବୁଙ୍କ ସହ ଜନତା ଦଳ ତରଫରୁ ବିଜୟ ହେଉଥିଲେ ବିଜୟ । ସେପଟେ ବିଜେଡି ପ୍ରତିଷ୍ଠା ବେଳେ ମଧ୍ୟ ତାଙ୍କ ପ୍ରମୁଖ ଭୂମିକା ରହିଥିଲା । ପରବର୍ତ୍ତୀ ସମୟରେ ଦଳରୁ ତଡା ଖାଇଥିଲେ ବିଜୟ ମହାପାତ୍ର । ଏହାରପରେ ବିଜେପିରେ ଯୋଗ ଦେଇଥିଲେ ସେ । ନିକଟରେ ପାଟକୁରା ନିର୍ବାଚନ ମଧ୍ୟ ପରାଜିତ ହୋଇଥିଲେ ବିଜୟ ।