ଲିଙ୍ଗରାଜ ମନ୍ଦିରର ଉନ୍ନୟନମୂଳକ କାର୍ଯ୍ୟର ତଦାରଖ କଲେ 5ଟି ସଚିବ

ଭୁବନେଶ୍ୱର() ସଜେଇ ହେଉଛି ଓଡ଼ିଶା । ଯୁଦ୍ଧକାଳୀନ ଭିତ୍ତିରେ ଚାଲିଛି ଏକାମ୍ରକ୍ଷେତ୍ରର ବିଭିନ୍ନ ଉନ୍ନୟନମୂଳକ କାର୍ୟ୍ୟ । ଯାହାର ସମୀକ୍ଷା କରିଛନ୍ତି ୫ଟି ସଚିବ ଭି.କେ ପାଣ୍ଡିଆନ । ଶ୍ରୀମନ୍ଦିର ପରେ ଏବେ ଫୋକସରେ ଏକାମ୍ରକ୍ଷେତ୍ର । ଆଜି ଭୋରରୁ ଲିଙ୍ଗରାଜ ମନ୍ଦିରରେ ବିଭିନ୍ନ ବିକାଶମୂଳକ କାର୍ୟ୍ୟର ସମୀକ୍ଷା କରିଛନ୍ତି ୫ଟି ସଚିବ ।

ମହା ଶିବରାତ୍ରୀ ପୂର୍ବରୁ କିପରି ରାସ୍ତା ପ୍ରଶସ୍ତିକରଣ କାମ ସରିବ ଏବଂ କିପରି ଚାଲିଛି ନିର୍ମାଣ କାମ ତାର ତଦାରଖ ପାଇଁ ପହଞ୍ଚିଥିଲେ ପାଣ୍ଡିଆନ । ଶୃଙ୍ଖଳିତ ଟ୍ରାଫିକ ବ୍ୟବସ୍ଥା ସହ ଭକ୍ତଙ୍କ ସୁବ୍ୟବସ୍ଥିତ ଯାତ୍ରା ପାଇଁ ବିକଳ୍ପ ରାସ୍ତାର ବ୍ୟବସ୍ଥା ହେଉଛି । ସେ କାମ ମଧ୍ୟ ଶୀଘ୍ର ସାରିବାକୁ ଲକ୍ଷ ରଖାଯାଇଛି ।

୩୦ ସୁଦ୍ଧା ସବୁ କାମ ସରିବାକୁ ଆଶା ରଖାଯାଇଛି । ଏବେ ଯାଏଁ ୮୦ପ୍ରତିଶତ ଜମି ଅଧିଗ୍ରହଣ କାର୍ୟ୍ୟ ସରିଛି । ଏହି ଗସ୍ତରେ ପାଣ୍ଡିଆନଙ୍କ ସହ ବିଭାଗୀୟ ସଚିବ କ୍ରିଷନ କୁମାର ଓ ବିଏମସି କମିଶନର ପ୍ରେମଚନ୍ଦ୍ର ଚୌଧରୀ ମଧ୍ୟ ଉପସ୍ଥିତ ଥିଲେ ।