ଏକ ତରଫା ପ୍ରେମକୁ ନେଇ ମା’କୁ ହତ୍ୟା

କଳାହାଣ୍ଡି: ଏକ ତରଫା ପ୍ରେମକୁ ନେଇ ପ୍ରେମିକର ଉନ୍ମତ୍ତକାଣ୍ଡ । ପ୍ରେମିକାର ଗଳା କାଟି ହତ୍ୟା ଉଦ୍ୟମ କଲା ପ୍ରେମିକ । ଝିଅକୁ ବଞ୍ଚାଇବାକୁ ଯାଇ ମା’ର ମୃତ୍ୟୁ । କଳାହାଣ୍ଡି କେସିଙ୍ଗା ଥାନା କର୍ଲାଖୁଣ୍ଟା ଗାଁରେ ଘଟିଛି ଏହି ଅଭାବନୀୟ ଘଟଣା । ସୂଚନା ମୁତାବକ ଯୁବତୀ ଏବଂ ତାଙ୍କ ମା ପୋଖରୀରୁ ଗାଧୋଇ ଫେରୁଥିବା ବେଳେ ସେମାନଙ୍କ ଉପରକୁ ଆକ୍ରମଣ କରିଥିଲା ଅଭିଯୁକ୍ତ ତିଲକର ନାୟକ ।

ଆକ୍ରମଣରେ ଯୁବତୀ ଏବଂ ତାଙ୍କ ମା ଗୁରୁତର ଆହତ ହୋଇଥିଲେ । ତାଙ୍କୁ କେସିଙ୍ଗା ମେଡ଼ିକାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଯୁବତୀଙ୍କ ମା’ଙ୍କର ମୃତ୍ୟୁ ହୋଇଯାଇଥିଲା । ଯୁବତୀଙ୍କ ସ୍ୱାସ୍ଥ୍ୟ ଅବସ୍ଥା ସଂକଟାପନ୍ନ ରହିଛି । ଅଭିଯୁକ୍ତ ତିଲକ ସେହି ଗାଁର । ଘଟଣାସ୍ଥଳରେ ପୋଲିସ ପହଂଚି ତଦନ୍ତ କରୁଥିବା ବେଳେ ପ୍ରାଥମିକ ତଦନ୍ତରୁ ଏକ ତରଫା ପ୍ରେମ ବୋଲି ସନ୍ଦେହ କରାଯାଉଛି ।