ମହିଳାଙ୍କୁ ମାରି ଖାଇଲା ବାଘ

ନୂଆପଡ଼ା: ନୂଆପଡ଼ା ଜିଲ୍ଲାରେ ପୁଣି ଖେଳିଛି ବାଘ ଆତଙ୍କ । ଜଙ୍ଗଲକୁ କାଜୁ ତୋଳି ଯାଇଥିବା ମହିଳାଙ୍କୁ ମାରି ଖାଇଲା ବାଘ । ମହିଳାଙ୍କ ମୃତଦେହ ଜଙ୍ଗଲରେ ପଡ଼ିଥିବା ବେଳେ ବାଘ ଭୟରେ ମୃତଦେହ ଆଣିପାରିନାହାନ୍ତି ପରିବାର ଲୋକ । ବନବିଭାଗ ମଧ୍ୟ ଘଟଣାସ୍ଥଳରେ ପହଞ୍ଚିନଥିବା ଅଭିଯୋଗ ହୋଇଛି । ମୃତ ମହିଳା ଜଣକ ହେଲେ ନୂଆପଡ଼ା ଭରୁଆମୁଣ୍ଡା ପଞ୍ଚାୟତ ଛୋଟଲୋଦ୍ରାର ଭାନୁବାଇ ମାଝୀ ।

ଧରମବନ୍ଧା ଥାନା ଛୋଟ ଲୋଡ୍ରା ଗାଁର ମକରମ ମାଝୀଙ୍କ ସ୍ତ୍ରୀ ଭାନୋବାଈ ମାଝୀ ଗୁରୁବାର ସକାଳେ କାଜୁ ସଂଗ୍ରହ ପାଇଁ ଜଙ୍ଗଳକୁ ଯାଇଥିଲେ। ମାତ୍ର ଅନେକ ସମୟ ଧରି ଘରକୁ ଫେରିନଥିଲେ। ଅପରାହ୍ନ ପ୍ରାୟ ସାଢ଼େ ୪ଟାରେ ପରିବାର ଓ ଗାଁର ୪ରୁ ୫ ଜଣ ଲୋକ ଜଙ୍ଗଲକୁ ଖୋଜିବାକୁ ଯାଇଥିଲେ। ଜଙ୍ଗଳରେ ଭାନୋବାଈଙ୍କ କ୍ଷତବିକ୍ଷତ ମୃତଦେହ ପଡ଼ିଥିବା ଦେଖିବାକୁ ପାଇଥିଲେ। ମୃତଦେହ ନିକଟରେ ବାଘର ପାଦ ଚିହ୍ନ ପଡ଼ିଥିବା ଦେଖିବାକୁ ମିଳିଛି। ଲୋକଙ୍କ କହିବାନୁଯାୟୀ ସେମାନେ ଜଙ୍ଗଲରେ ଦୁଇଟି ବାଘର ଗର୍ଜନ ଶୁଣିଛନ୍ତି । ତେଣୁ ଏବେ ପୁରା ଗାଁ ସମେତ ଆଖପାଖ ଅଞ୍ଚଳର ଲୋକେ ଆତଙ୍କିତ ଅଛନ୍ତି । ସନ୍ଧ୍ୟା ହେଲେ ଘରର ତାଟି କବାଟ ପକାଇ ବସୁଛନ୍ତି । ମୃତ ମହିଳା ଭାନୁବାଇ ମାଝୀଙ୍କୁ ୪୫ ବର୍ଷ ବୟସ ହେବ ବୋଲି ସୂଚନା ମିଳିଛି ।