ନୂଆ ଥାନା ଗଠନ ସରକାର ବିଚାର କରୁଛନ୍ତି
ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ଅନୁମୋଦନ କ୍ରମେ ରାଜ୍ୟରେ ୩୬ଟି ନୂତନ ଥାନା ପ୍ରତିଷ୍ଠା କରାଯାଇଛି ବୋଲି ସ୍ଵରାଷ୍ଟ୍ର ରାଷ୍ଟ୍ର ମନ୍ତ୍ରୀ ତୁଷାରକାନ୍ତି ବେହେରା ଆଜି ବିଧାନସଭାରେ କହିଛନ୍ତି। ଏକ ପ୍ରଶ୍ନର ଉତ୍ତରେ ସେ କହିଛନ୍ତି, ପୂର୍ବରୁ ୬୪୩ଟି ପୁଲିସ ଥାନା ଥିଲା। ଅନେକ ବିଧାୟକ ନିଜ ଅଞ୍ଚଳରେ ନୂଆ ଥାନା ପାଇଁ ନିବେଦନ କରିଛନ୍ତି। ଯେଉଁଠି ଅଧିକ ଅପରାଧିକ ମାମଲା ରହୁଛୁ, ସେଠାରେ ଆବଶ୍ୟକତା ଦେଖି ଥାନା ପରିବର୍ଦ୍ଧିତ କରାଯିବ। ନୂଆ ଥାନା ନିର୍ମାଣ ପାଇଁ କିଛି କ୍ରାଇଟ୍ରେରିଆ ରହିଛି। ଯେମିତି ମାସକୁ କେତେ କେସ ରେକର୍ଡ ଆସୁଛି ଏବଂ ବର୍ଷକର ଷ୍ଟାଟିଷ୍ଟିକାଲ ଡାଟା ନେଇ କି ନୂଆ ଥାନା ପାଇଁ ବିଚାର କରାଯାଏ।
ଉଲ୍ଲେଖଯୋଗ୍ୟ, ପ୍ରଶ୍ନକାଳରେ ନିଜ ଅଞ୍ଚଳରେ ନୂଆ ଥାନା ଖୋଲିବା ନେଇ ଉଭୟ ଶାସକ ଓ ବିରୋଧୀ ଦଳର ସଦସ୍ୟ ଗୃହରେ ଦାବି ରଖିଛନ୍ତି ।
ଏଣେ ସମ୍ବଲପୁରକୁ କମିସନରରେଟ ପୁଲିସର ମାନ୍ୟତା କେବେ ମିଳିବ ବୋଲି ଗୃହରେ ପ୍ରଶ୍ନ କଲେ ରେଙ୍ଗାଳି ବିଧାୟକ ନାଉରି ନାୟକ। ସେ କହିଥିଲେ ଯେ ବିଧାନସଭାରେ ମୁଖ୍ୟମନ୍ତ୍ରୀ ଘୋଷଣା କରିଥିଲେ ତାହା କାହିଁକି ହେଉ ନାହିଁ। କେବେ ସୁଦ୍ଧା ସମ୍ବଲପୁରକୁ କମିସନରେଟ ଘୋଷଣା କରାଯିବ।
ଗୃହ ରାଷ୍ଟ୍ର ମନ୍ତ୍ରୀ ଏହାର ଉତ୍ତରରେ କହିଛନ୍ତି, ସମ୍ବଲପୁରକୁ କମିସନରରେଟ ଦେବାକୁ ଯଦି ଘୋଷଣା ହୋଇଥିଲା, ତେବେ ମୁଁ ତାକୁ ଆଉଥରେ ଅନୁଧ୍ୟାନ କରିବି।