ଅଧିନାୟକଙ୍କ ନାମ ଘୋଷଣା କଲା ସନରାଇଜର୍ସ ହାଇଦ୍ରାବାଦ
ସନରାଇଜର୍ସ ହାଇଦ୍ରାବାଦ ଏହାର ନୂତନ ଅଧିନାୟକଙ୍କ ନାମ ଘୋଷଣା କରିଛି। ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ୍ ଆଡେନ ମାର୍କ୍ରାମଙ୍କୁ ଏହି ଦାୟିତ୍ୱ ଦିଆଯାଇଛି। ମାର୍କ୍ରାମ ଦକ୍ଷିଣ ଆଫ୍ରିକାରେ ନିକଟରେ ଶେଷ ହୋଇଥିବା ଟି -୨୦ ଫ୍ରାଞ୍ଚାଇଜ୍ ଲିଗ୍ (SA20) ରେ ସନରାଇଜର୍ସ ଫ୍ରାଞ୍ଚାଇଜ୍ ଦଳର ଅଧିନାୟକ ଦାୟିତ୍ୱ ମଧ୍ୟ ନେଇଥିଲେ। ସେ ମଧ୍ୟ ତାଙ୍କ ଦଳକୁ ଚାମ୍ପିଅନ୍ କରିଥିଲେ। ୬ଟି ଦଳର ଏହି ଲିଗରେ ସନରାଇଜର୍ସଙ୍କ ପ୍ରଦର୍ଶନ ଅତ୍ୟନ୍ତ ଭଲ ଥିଲା | ଲିଗ୍ର ଅନ୍ତିମ ମ୍ୟାଚ୍ରେ ପ୍ରିଟୋରିଆ କ୍ୟାପିଟାଲ୍ସକୁ ପରାସ୍ତ କରି ସନରାଇଜର୍ସ ଫ୍ରାଞ୍ଚାଇଜ୍ ଟାଇଟଲ୍ ଜିତିଥିଲା | ସାଉଥ ଆଫ୍ରିକା୨୦ ରେ ଦଳର ସଫଳତାକୁ ଧ୍ୟାନରେ ରଖି ଆଇପିଏଲରେ ମଧ୍ୟ ଏହି ଦାୟିତ୍ୱ ତୁଲାଇବା ପାଇଁ ସନରାଇଜର୍ସ ଫ୍ରାଞ୍ଚାଇଜ୍ ଆଡେନ ମାର୍କ୍ରାମଙ୍କୁ ବାଛିଥିଲେ।
ଉଲ୍ଲେଖ ଥାଉ କି ଆଇପିଏଲ-୨୦୨୨ରେ ସନରାଇଜର୍ସ ହାଇଦ୍ରାବାଦ ଅଧିନାୟକ ଦାୟିତ୍ୱ କେନ ଉଇଲିୟମସନ ଦିଅଯାଇଥିଲା | ତେବେ ସେ ନିଜ ଟିମକୁ ପ୍ଲେ ଅଫରେ ସ୍ଥାନ ଦେଇପାରିନଥିବାରୁ ସନରାଇଜର୍ସ ଆଇପିଏଲ୍ ୨୦୨୩ ପାଇଁ ୱିଲିୟମସନଙ୍କୁ ମଧ୍ୟ ରଖିନଥିଲେ | ସେହି ଦିନଠାରୁ ଏହି ଫ୍ରାଞ୍ଚାଇଜ୍ ଏହାର ଅଧିନାୟକ ଖୋଜୁଥିଲା | ଯେତେବେଳେ ଆଇପିଏଲ ୨୦୨୩ ପାଇଁ ନିଲାମରେ ସନରାଇଜର୍ସ ମାୟାଙ୍କ ଅଗ୍ରୱାଲଙ୍କୁ କିଣିଥିଲା, ଆଶା କରାଯାଉଥିଲା ଯେ ଅଗ୍ରୱାଲ ସନରାଇଜର୍ସର ଅଧିନାୟକ ଦାୟିତ୍ୱ ଗ୍ରହଣ କରିବେ | କିନ୍ତୁ ସନରାଇଜର୍ସ ହାଇଦ୍ରାବାଦ ଏହାର ନୂତନ ଅଧିନାୟକଙ୍କ ଭାବେ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ୍ ଆଡେନ ମାର୍କ୍ରାମଙ୍କୁ ଏହି ଦାୟିତ୍ୱ ଦିଆଯାଇଛି।