ମେଟ୍ରିକ୍ ପାସ୍ କଲେ ସୋରଡ଼ା ବିଧାୟକ

ଗଞ୍ଜାମ: ଅଫଲାଇନ୍ ମେଟ୍ରିକ୍ ପରୀକ୍ଷା ଦେଇଥିବା ଗଞ୍ଜାମ ଜିଲ୍ଲା ସୋରଡ଼ା ବିଧାୟକ ପୂର୍ଣ୍ଣଚନ୍ଦ୍ର ସ୍ୱାଇଁ ପାସ୍ କରିଛନ୍ତି । ସେ ୬୮ ପ୍ରତିଶତ ମାର୍କ ରଖି ଉତୀର୍ଣ୍ଣ ହୋଇଛନ୍ତି । ସେ ୫୦୦ ମାର୍କରୁ ୩୪୦ ମାର୍କ ରଖି ବି ଗ୍ରେଡରେ ପାସ୍ କରିଛନ୍ତି । ସୋରଡ଼ା ସରକାରୀ ବାଳିକା ଉଚ୍ଚ ବିଦ୍ୟାଳୟ ପରୀକ୍ଷା କେନ୍ଦ୍ରରେ ବିଧାୟକ ସ୍ବାଇଁ ପରୀକ୍ଷା ଦେଇଥିଲେ। ସେହି ସମୟରେ ବିଧାୟକଙ୍କ ସ୍ବାସ୍ଥ୍ୟଗତ ସମସ୍ୟା ଥିବାରୁ ତାଙ୍କ ପାଇଁ ଆଇସୋଲେଶନରେ ବସି ପରୀକ୍ଷା ଦେବାର ବ୍ୟବସ୍ଥା କରାଯାଇଥିଲା।