ମନ୍ତ୍ରୀ ମଣ୍ଡଳ ସଂପ୍ରସାରଣକୁ ନେଇ ଏମିତି କହିଲେ ରାହୁଲ

ନୂଆଦିଲ୍ଲୀ: ଗତକାଲି ମୋଦିଙ୍କ ମନ୍ତ୍ରୀ ମଣ୍ଡଳର ସଂପ୍ରସାରଣ ହୋଇଛି । ବହୁ ଯୁବ ନେତାଙ୍କୁ ମନ୍ତ୍ରୀ ମଣ୍ଡଳରେ ସ୍ଥାନ ମିଳିଛି । ସେପଟେ ଏଭଳି ସ୍ଥିତିରେ ମୋଦି ସରକାରଙ୍କୁ ଟାର୍ଗେଟ କରିଛନ୍ତି ରାହୁଲ । ସେ କହିଛନ୍ତି କି, ମାନସୁଖ ମାଣ୍ଡଭିଆଙ୍କୁ ଦେଶର ନୂତନ ସ୍ୱାସ୍ଥ୍ୟମନ୍ତ୍ରୀ କରିବା ପରେ ଟ୍ୱିଟ କରିଛନ୍ତି। ରାହୁଲ ଗାନ୍ଧୀ ଲେଖିଛନ୍ତି, ଏହାର ଅର୍ଥ ଟିକା ଅଭାବ ନୁହେଁ କି? ଏଭଳି ପ୍ରଶ୍ନ କରିଛନ୍ତି ରାହୁଲ । ତାଙ୍କର ଏହି ଟ୍ୱିଟକୁ ନେଇ ବେଶ ଚର୍ଚ୍ଚା ଆରମ୍ଭ ହୋଇଛି । ଅନେକ ୟୁଜର୍ସ ମଧ୍ୟ ରିଟ୍ୱିଟ୍ କରିଥିବା ଦେଖିବାକୁ ମିଳୁଛି ।

ଉଲ୍ଲେଖନୀୟ ଯେ, ରାହୁଲ ଗାନ୍ଧୀ କିଛି ମାସ ଧରି କେନ୍ଦ୍ର ସରକାରଙ୍କ ଟୀକାକରଣ ନୀତି ବିରୋଧରେ ବିବୃତ୍ତି ଦେଉଛନ୍ତି। ରାହୁଲ ଗାନ୍ଧୀଙ୍କ ବ୍ୟତୀତ ଅନେକ କଂଗ୍ରେସ ନେତା ସରକାରଙ୍କ ଉପରେ ଆକ୍ରମଣ କରୁଛନ୍ତି। ଦେଶରେ ଟିକା ଡୋଜର ଅଭାବକୁ ଶେଷ କରିବାକୁ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଅନେକ ଥର ଅନୁରୋଧ କରିଛନ୍ତି। ଏ ସମ୍ପର୍କରେ ସେ ପ୍ରଧାନମନ୍ତ୍ରୀଙ୍କୁ ଏକ ଚିଠି ମଧ୍ୟ ଲେଖିଛନ୍ତି।