ଡବଲ୍ ମର୍ଡର: ଗିରଫଦାରୀ ସଂଖ୍ୟା ୬କୁ ବୃଦ୍ଧି

କଟକ : ମାହାଙ୍ଗା ଡବଲ ମର୍ଡର ଘଟଣାରେ ଆଉ ଜଣେ ଗିରଫ | ଏହାସହ ଗିରଫଦାରୀ ସଂଖ୍ୟା ୬ରେ ପହଞ୍ଚି ଥିବା ବେଳେ ଏବେ ବି ୪ ଅଭିଯୁକ୍ତଙ୍କୁ ଖୋଜୁଛି ପୁଲିସ । ୫ ତାରିଖରେ ପୁଲିସ ୪ ଜଣ ଅଭିଯୁକ୍ତଙ୍କୁ ଗିରଫ କରିଥିବାବେଳେ ଗତକାଲି ଆଉଜଣେ ଅଭିଯୁକ୍ତକୁ ଭୁବନେଶ୍ୱରରୁ ଗିରଫ କରାଯାଇଥିଲା । ମଙ୍ଗଳବାର ଦିନ ପୁଲିସ ଜଣେ ଅଭିଯୁକ୍ତକୁ ହତ୍ୟାକାଣ୍ଡ ସ୍ଥଳକୁ ନେଇ ସିନ୍ ରିକ୍ରିଏଟ୍ ବି କରିଥିଲା ।

ପୋଲିସ ହାତରେ ଧରାପଡିଥିବା ଅଭିଯୁକ୍ତ ପଞ୍ଚାନନ ସେଠୀ ଗଣମାଧ୍ୟମ ଆଗରେ ଗତକାଲି କହିଥିଲା ସେ ହତ୍ୟାକାଣ୍ଡ ଭିଆଇଛି । ତାକୁ ଉଲଗ୍ନ କରି ବାଡେଇବାରୁ ରାଗ ରଖି ସେ ଏପରି କାଣ୍ଡ ଘଟାଇଥିବା କହିଛି । କୋର୍ଟରେ ହାଜର କରାଯାଉଥିବା ବେଳେ ଏଭଳି ସ୍ୱିକାରୋକ୍ତ କରିଥିଲା ଅଭିଯୁକ୍ତ ପଞ୍ଚାନନ । ସେପଟେ ବିଜେପି ପ୍ରଭାରୀ ପୁରନ୍ଦେଶ୍ୱରୀ ଆଜି ମାହାଙ୍ଗା ଯାଇ କୁଳମଣି ବରାଳଙ୍କ ପରିବାରକୁ ଭେଟିଛନ୍ତି |