ଏନଡିଏ ଟପ୍ପର ଓଡ଼ିଆ ପୁଅ ରୋନିତ୍ ରଞ୍ଜନ
ଭଦ୍ରକ: ସର୍ବଭାରତୀୟ ସ୍ତରରେ ଶିକ୍ଷା କ୍ଷେତ୍ରରେ ଓଡ଼ିଶା ପାଇଁ ଗର୍ବ ଓ ଗୌରବ ଆଣିଛନ୍ତି ରୋନିତ୍ ରଞ୍ଜନ ନାୟକ । ସର୍ବ ଭାରତୀୟ ଏନଡିଏ (ନ୍ୟାସନାଲ ଡିଫେନ୍ସ ଏକାଡେମୀ) ପରୀକ୍ଷାରେ ସେ ଟପ୍ପର୍ ହୋଇଛନ୍ତି । ସମସ୍ତଙ୍କୁ ପଛରେ ପକାଇ ଓଡ଼ିଆ ପୁଅ ନମ୍ବର ୱାନ୍ ହୋଇଥିବା ଜଣାପଡ଼ିଛି ।
ସୂଚନା ଅନୁସାରେ, ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଜଗନ୍ନାଥପୁର ଗ୍ରାମପଞ୍ଚାୟତର ବଚ୍ଛଦା ଗ୍ରାମରେ ରୋନିତଙ୍କ ଘର । ରୋନିତଙ୍କ ବାପା ରଶ୍ମିରଞ୍ଜନ ନାୟକ ନାଭାଲରେ ମାଷ୍ଟର ଅଫ ଚିଫ୍ ପେଟି ଅଫିସର ଭାବେ ଗୋଆରେ କାର୍ଯ୍ୟରତ ଅଛନ୍ତି । ମାଆ ଅନ୍ନପୂର୍ଣ୍ଣା ନାୟକ ଓ ଭଉଣୀ ରିଚାସ୍ମିତା ନାୟକ ରୋନିତ୍ଙ୍କ ଏହି ସଫଳତା ପାଇଁ ଖୁସି ବ୍ୟକ୍ତ କରିଛନ୍ତି ।ରୋନିତ୍ କୋହ୍ଲାପୁର ସ୍ଥିତ ଆର୍ମଡ୍ ଫୋର୍ସ ପ୍ରିପାରେଟୋରୀ ଇନଷ୍ଟିଚ୍ୟୁଟ (AFPI)ରେ ଶିକ୍ଷା ଲାଭ କରିଥିଲେ ।