ୟୁକ୍ରେନରୁ ଘରକୁ ଫେରିଲେ ଓଡ଼ିଆ ପୁଅ ଜୟଶଙ୍କର
ଯୁଦ୍ଧ ପାଇଁ ୟୁକ୍ରେନ୍ରେ ସ୍ଥିତି ସଙ୍ଗୀନ । ଋଷର ଆକ୍ରମଣରୁ ରକ୍ଷା ପାଇବା ପାଇଁ କିଛି ଭାରତୀୟ ମେଟ୍ରୋ ଷ୍ଟେସନ୍ରେ ଅଟକିଛନ୍ତି। ମେଟ୍ରୋ ଷ୍ଟେସନରେ ହଜାରେରୁ ୧୫ଶହ ଭାରତୀୟ ଫସି ରହିଛନ୍ତି । ମୋଟ୍ ୨୦ ହଜାର ଭାରତୀୟ ଛାତ୍ର ୟୁକ୍ରେନରେ ଫସି ରହିଛନ୍ତି । ଭାରତ ସରକାରଙ୍କୁ ସହାୟତା ପାଇଁ ଫସିରହିଥିବା ଭାରତୀୟ ଅନୁରୋଧ କରିଛନ୍ତି । ଅଣ୍ଡର ଗ୍ରାଉଣ୍ଡରେ ଆଶ୍ରୟ ନେବାକୁ ୟୁକ୍ରେନ୍ ପ୍ରଶାସନ ପରାମର୍ଶ ଦେଇଛି । ୟୁକ୍ରେନରେ ଖାଦ୍ୟ ସାମଗ୍ରୀ ମହଜୁଦ୍ ଥିବା ପ୍ରଶାସନ ପକ୍ଷରୁ କୁହାଯାଇଛି । ବମ୍ ଧମାକା, ଫାୟାରିଂ ଶବ୍ଦ ଭୟଭୀତ କରୁଛି । ସେହିପରି ଏଟିଏମ୍ ଓ ଗ୍ୟାସ ଷ୍ଟେସନ୍ ଖାଲି ହୋଇଯାଇଛି । ସୁପରମାର୍କେଟ୍ରେ କିଛି ମିଳୁନାହିଁ । ଔଷଧ ଦୋକାନ ଆଗରେ ଲମ୍ବା ଲାଇନ୍ ଲାଗିଥିବା ଜଣାପଡ଼ିଛି ।
ସେପଟେ ୟୁକ୍ରେନରୁ ଘରକୁ ଫେରିଆସିଛନ୍ତି ବଲାଙ୍ଗୀର ରାଧାରାଣୀପଡାର ଜୟଶଙ୍କର ପଟେଲ । ସେ ୟୁକ୍ରେନର ଡେମପ୍ରେI ମେଡିକାଲ କଲେଜରେ ପାଠ ପଢୁଥିଲେ । ତେବେ ଏଭଳି ସମୟରେ ସେଠାରେ ଫସି ରହିଥିବା ପିଲାଙ୍କୁ ଉଦ୍ଧାର କରିବାକୁ ନିବେଦନ କରିଛନ୍ତି ଜୟଶଙ୍କର ।