ନନ୍ଦନକାନନରେ ମହାବଳ ବାଘ ଆତଙ୍କ !

ଭୁବନେଶ୍ୱର: ନନ୍ଦନକାନନରେ ମହାବଳ ବାଘ ଆତଙ୍କ। ବାଘ ସଫାରୀର ପାଚେରୀ ଡେଇଁ ବାହାରିଗଲା ମହାବଳ ବାଘ ରାଜେଶ। ଏହି ଖବର ପ୍ରଚାରିତ ହେବା ପରେ ପର୍ୟ୍ୟଟଙ୍କ ମଧ୍ୟରେ ଆତଙ୍କ ଖେଳି ଯାଇଥିଲା ତେବେ ସଫାରୀର କର୍ମଚାରୀଙ୍କ ଉଦ୍ୟମ ଫଳରେ ଧରାପଡିଥିଲା ମହାବଳ ରାଜେଶ।

ସୂଚନା ମୁତାବିକ, ଆଜି ସକାଳେ ଫିଡିଂ ଚାମ୍ବରରୁ ରାଜେଶ ଓ ରୂପା ନାମକ ଦୁଇଟି ମହାବଳ ବାଘକୁ ସଫାରୀ ମଧ୍ୟକୁ ଛଡା ଯାଇଥିଲା । କିଛି ସମୟ ମଧ୍ୟରେ ରାଜେଶ ନାମକ ଅଣ୍ଡିରା ମହାବଳ ବାଘ ସଫାରୀ ପାଚେରୀ ଡେଇଁ ବାହାରକୁ ବାହାରି ଯାଇଥିଲା। କର୍ମଚାରୀ ଯାତାୟତ ପାଇଁ ରହିଥିବା ଏକ ରାସ୍ତାକୁ ଚାଲି ଆସିଥିଲା । ସେହି ସମୟରେ ସେଠାରେ କେହି କର୍ମଚାରୀ ନଥିବା କାରଣରୁ ବାଘ କାହାର କ୍ଷତି କରି ନଥିଲା । ଖବର ପାଇ ନନ୍ଦନକାନନ କର୍ମଚାରୀ ହୋ-ହାଲ୍ଲା କରିବାରୁ ମହାବଳ ରାଜେଶ ପୁଣି ସଫାରୀ ମଧ୍ୟକୁ ଡେଇଁ ଫେରି ଯାଇଥିଲା । ତେବେ କର୍ତ୍ତୃପକ୍ଷଙ୍କ ତରଫରୁ ଏନେଇ ବର୍ତ୍ତମାନ ସୁଦ୍ଧା କୌଣସି ସୂଚନା ଦିଆଯାଇନାହିଁ ।