ସାମାନ୍ୟ ବଚସାରୁ ନାବାଳକକୁ ହତ୍ୟା
ପୁରୀ ସହରରେ ଘଟିଛି ଏକ ଅଭାବନୀୟ ଘଟଣା । ସମାନ୍ୟ ବଚଶାରୁ ଗୋଟିଏ ନାବାଳକକୁ ହତ୍ୟା କରି ପୁରୀ ବେଳାଭୂମିରେ ପକାଇଦେଇଛନ୍ତି ଅଭିଯୁକ୍ତ । ଏହି ଘଟଣାରେ ପୋଲିସ ଅପହରଣ ସହ ହତ୍ୟ।। ମାମଲା ରୁଜୁ କରି ତନାଘନା ଆରମ୍ଭ କରିଛି । ସୁଚନା ଅନୁସାରେ ପୁରୀ ବଳିଆପଣ୍ଡା ବସ୍ତିର ଦୀନବନ୍ଧୁ ସାହୁଙ୍କ ପୁଅ ଶୁଭମ୍ ସାହୁ ଗତ ରବିବାର ଠାରୁ ନିଖୋଜ ହୋଇଥିଲେ ।
ପରେ ବହୁ ଖୋଜାଖୋଜି ପରେ ନପାଇବାରୁ ଥାନାରେ ଅଭିଯୋଗ କରିଥିଲେ ତାଙ୍କ ବାପା । ହେଲେ ସୋମବାର ଭୋର୍ରେ ଶୁଭମ୍ର ବସ୍ତ୍ରହୀନ ନିସ୍ତେଜ ଶରୀର ହୋଟେଲ୍ ଶୁଭ୍ ପ୍ୟାଲେସ୍ ସମ୍ମୁଖ ବେଳାଭୂମିରେ ପଡ଼ିଥିବା କିଛି ମତ୍ସ୍ୟଜୀବୀ ଦେଖିଥିଲେ । ପରେ ଖବର ପାଇ ପରିବାର ଲୋକେ ପହଞ୍ଚି ଶୁଭମ୍କୁ ସଦର ମୁଖ୍ୟ ଚିକିତ୍ସାଳୟ ନେଇଥିଲେ ।
କିନ୍ତୁ ଡାକ୍ତର ସେଠାରେ ମୃତ ଘୋଷଣା କରିଛନ୍ତି । କିଛି ସାଙ୍ଗଙ୍କ ସହ ଶୁଭମ୍ର ଝଗଡ଼ା ହୋଇଥିବା କାରଣକୁ କେନ୍ଦ୍ର କରି ତାକୁ ହତ୍ୟା କରାଯାଇଥିବା ସେ ଏତଲା ଦେଇଥିଲେ । ତେଣୁ ହତ୍ୟା ମାମଲାକୁ ଟର୍ଣ୍ଣ କରିଥିଲା ଅପହରଣ ମାମଲା । ଦଫା ୩୦୨ ଓ ୩୪ ଆଇପିସି ବଳରେ ହତ୍ୟା ମାମଲା (୧୪୫/୨୧) ରୁଜୁ କରି ଛାନ୍ଭିନ୍ ଆରମ୍ଭ କରିଥିବା କହିଛନ୍ତି ଆଇଆଇସି କୁଳମଣି ସେଠୀ