ଯୁବତୀଙ୍କୁ ହତ୍ୟା କରି ଫିଙ୍ଗିଦେଲେ

ବଡଚଣା : ଅଜଣା ଯୁବତୀଙ୍କ ଅର୍ଦ୍ଧ ଉଲଗ୍ନ ମୃତ ଦେହ ନଦୀ ପାଠ ମଶାଣି ନିକଟରୁ ଜବତ କରାଯାଇଛି । କେହି ଦୁର୍ବୁତ୍ତ ନୃଶଂସ ଭାବେ ହତ୍ୟା କରି ଗେଙ୍ଗୁଟି ନଦୀ ପଠା ମଶାଣି ନିକଟରେ ଫିଙ୍ଗି ଦେଇଥିବା ସଧାରଣରେ ଚର୍ଚ୍ଚାର ବିଷୟ ହୋଇଛି । ଯୁବତୀଙ୍କ ପରିଚୟ ମିଳିପାରିନାହିଁ ।

ସୂଚନା ଥାଉକି,ଯାଜପୁର ଜିଲ୍ଲା ବୈରୀ ଥାନା ଅନ୍ତର୍ଗତ ଚମ୍ପାପୁର ପଞ୍ଚାୟତ ଅନ୍ତର୍ଗତ ଗୋପୀନାଥ ପୁର ଗେଙ୍ଗୁଟି ନଦୀକୂଳ ପଠା ମଶାଣି ନିକଟରେ ଏକ ଅଜଣା ଯୁବତୀଙ୍କ ମୃତ ଦେହ ପଡିଥିବା ଗାଁ ଲୋକ ଦେଖିବାକୁ ପାଇଥିଲେ । ସଙ୍ଗେ ସଙ୍ଗେ ଏହି ଖବର ଗାଁ ଲୋକଙ୍କ ପକ୍ଷରୁ ବୈରୀ ଥାନାକୁ ଜଣାଇଥିଲେ ।ଖବର ପାଇ ବୈରୀ ଥାନା ଅଧିକାରୀ ଜଗଦୀଶ କର ସଦଳବଳେ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରିବା ସହିତ ଅଧିକ ତଦନ୍ତ ଜାରି ରଖିଛନ୍ତି । ତେବେ ମୃତ ଯୁବତୀଙ୍କ କୌଣସି ପରିଚୟ ମିଳିପାରି ନ ଥିବାବେଳେ,ବୟସ ପ୍ରାୟ ୨୭ ବର୍ଷ ହେବ ବୋଲି ଅନୁମାନ କରାଯାଉଛି । ମୃତ ଦେହ ପଡିଥିବା ଅନତି ଦୂରରେ ଏକ କାଠ ଫାଳିଆ ସହିତ ଯୁବତୀଙ୍କ ଭ୍ୟାନିଟ, ସୁନାମୁଦି ଓ କିଛି ଗହଣା ପଡିଥିବା ଦେଖିବାକୁ ମିଳିଥିବା ବେଳେ ଏହା ଏକ ହତ୍ୟାକାଣ୍ଡ ବୋଲି ସାଧାରଣରେ ଚର୍ଚ୍ଚା ହେଉଥିବା ଦେଖିବାକୁ ମିଳିଛି ।