ଝରାଫୁଲ ମୃତ୍ୟୁ: ଡେମୋ ଦେଖାଇଲା ରାକେଶ

ଭୁବନେଶ୍ୱର: ଝରାଫୁଲଙ୍କ ମୃତ୍ୟୁ ମାମଲାରେ ଅଭିଯୁକ୍ତ ରାକେଶ ସ୍ୱାଇଁଙ୍କୁ ଭୁବନେଶ୍ୱରକୁ ଆଣିଲା ଯାଜପୁର ପୋଲିସ । ଅଭିଯୁକ୍ତ ରାକେଶ ସ୍ୱାଇଁକୁ ପୋଲିସ ଭୁବନେଶ୍ୱରକୁ ଆଣି ଧର୍ମବିହାର ସ୍ଥିତ ଶିବସାଇ ଗେଷ୍ଟ ହାଉସକୁ ନେଇଛି | କେଉଁ ସ୍ଥିତିରେ ଝରାଫୁଲଙ୍କର ମୃତ୍ୟୁ ହୋଇଥିଲା ଆଜି ସିନ୍ ରିକ୍ରିଏସନ୍ କରିଛି ରାକେଶ । ତେବେ ଘଟଣାରେ ପୋଲିସ ପୂର୍ବରୁ ହୋଟେଲ ରୁମରୁ ସିସିଟିଭିକୁ ଜବତ କରିଥିଲା ।

ଆଜି ଅଭିଯୁକ୍ତ ରାକେଶର ରିମାଣ୍ଡ ଅବଧିର ଦ୍ୱିତୀୟ ଦିନ ହୋଇଥିବାରୁ କୁଆଖିଆ ଥାନାରେ ତାକୁ ପଚରାଉଚରା କରାଯାଇ ପରେ ଭୁବନେଶ୍ୱର ଆଣି ହୋଟେଲରେ ସିନ୍ ରିକ୍ରିଏସନ୍ କରିଛି କୁଆଖିଆ ପୋଲିସ । ଗତକାଲି ମୃତଦେହ ଫିଙ୍ଗିଥିବା ସ୍ଥାନକୁ ରାକେଶକୁ ନେଇଥିଲା ପୋଲିସ । ମୃତ ଦେହକୁ ଭୁବନେଶ୍ୱରରୁ ଯାଜପୁର କୁଆଖିଆକୁ କେମିତି ଆଣିଥିଲେ ସେ ନେଇ ପୋଲିସ ପଚରାଉଚରା କରିଥିଲା ।