ପୁଣି ଜବତ ହେଲା ୮ ଲକ୍ଷ ଟଙ୍କାର ଗଞ୍ଜେଇ

ରାୟଗଡ଼ା: ବାହାର ରାଜ୍ୟକୁ ଗଞ୍ଜେଇ ଚୋରା ଚାଲାଣ ବେଳେ ମାଡି ବସିଲା ପୋଲିସ। ବିପୁଳ ପରିମାଣରେ ଗଞ୍ଜେଇ ଜବତ। ପ୍ରାୟ ୧୫୦ କେଜିର ଗଞ୍ଜେଇ ଜବତ କରିଛି ଗୁଣପୁର ଅବକାରୀ ବିଭାଗ। ଏହା ସହ ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ।

ସୂଚନାନୁଯାୟୀ, ଗୁଣପୁର ଅଞ୍ଚଳରୁ ୧୫୦ କେଜିର ଗଞ୍ଜେଇ ଜବତ ହୋଇଛି। ଏହା ସହ ଜଣେ ଅଭିଯୁକ୍ତକୁ ଗିରଫ କରିଛି ଗୁଣପୁର ଅବକାରୀ ବିଭାଗ। ଗିରଫ ହୋଇଥିବା ଅଭିଯୁକ୍ତ ଜଣଙ୍କ ହେଉଛନ୍ତି ରଘୁନାଥ ମାଝି। ଅଭିଯୁକ୍ତଙ୍କ ଘର ପଦ୍ମପୁର ଥାନା ଅଞ୍ଚଳର ପାରିମା ଗ୍ରାମ ବୋଲି ଜଣାପଡିଛି। ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୮ ଲକ୍ଷ ଟଙ୍କାରୁ ଉର୍ଦ୍ଧ୍ଵ ହେବ ବୋଲି ସୂଚନା ମିଳିଛି। ଜବତ ହୋଇଥିବା ଗଞ୍ଜେଇକୁ ବାହାର ରାଜ୍ୟକୁ ଚାଲାଣ କରିବା ପାଇଁ ଗୋଟିଏ ଜାଗାରେ ଠୁଳ କରିଥିଲା ଅଭିଯୁକ୍ତ। ଏନେଇ ବିଶେଷ ସୂତ୍ରରୁ ଖବର ପାଇ ଅବକାରୀ ବିଭାଗ ଚଢାଉ କରିଥିଲା।