ଧଳ ବ୍ରଦର୍ସଙ୍କ ଘନିଷ୍ଠ ସହଯୋଗୀ ଦିଲୁ ଗିରଫ

କଟକ: କମିଶନରେଟ ପୋଲିସର ବଡ଼ ସଫଳତା । ଧଳ ବ୍ରଦର୍ସଙ୍କ ଘନିଷ୍ଠ ସହଯୋଗୀ ପ୍ରଦୀପ କୁମାର ସାହୁ ଔରଫ ଦିଲୁକୁ ଗିରଫ କରାଯାଇଛି । ୨୦୧୬ରେ ଓମ୍ ଏବଂ ଦିପୁ ହତ୍ୟାକାଣ୍ଡରେ ଦିଲୁ ଥିଲା । ତା ନାଁରେ ଅଭିଯୋଗ ଆସିବା ପରଠାରୁ ସେ ଫେରାର ଥିଲା । ଆଜି ତାକୁ ଧରିଥିବା ସୂଚନା ଦେଇଛନ୍ତି ଟୁଇନସିଟି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।

କଟକ ଡିସିପିଙ୍କ ତତ୍ୱା ବଧାନରେ ଏକ ସ୍ପେସାଲ ଟିମ୍ ରାୟଗଡ଼ାରୁ ଦିଲୁକୁ ଗିରଫ କରିଛି। ଦିଲୁ ପାଖରୁ ଗିରଫ ସମୟରେ ଗୋଟିଏ ବନ୍ଧୁକ, ୬ ରାଉଣ୍ଡ ଗୁଳି ଏବଂ ୩ ଟି ମୋବାଇଲ ଫୋନ୍ ଜବତ କରାଯାଇଛି। ପ୍ରାଥମିତ ତଦନ୍ତରୁ ଜଣାପଡ଼ିଛି ଯେ ଦିଲୁ ଡି ବ୍ରଦର୍ସଙ୍କର ଟେଣ୍ଡର କାମ ଦେଖୁଥିଲା। ଏହା ସହ ଦିଲୁ ଅନେକ ବଡ଼ ବଡ଼ କାମକ ତଦାରଖ କରୁଥିଲା। ଦିଲୁର ନାମରେ ଚାଉଳିଆଗଞ୍ଜ ଥାନାରେ ୪ଟି କେସ ରହିଛି। ପୂର୍ବରୁ ଗିରଫ ନ ହୋଇଥିବା ଡି ବ୍ରଦର୍ସଙ୍କର ଘନିଷ୍ଠ ସହଯୋଗୀ ମାନଙ୍କ ମଧ୍ୟରୁ ଦିଲୁ ଜଣେ। ତେବେ କମିଶନରେଟ ପୋଲିସ୍ର ଅପରାଧ ବିରୁଦ୍ଧରେ ଜିରୋ ଟଲେରାନ୍ସ ନୀତି ବଳବତର ରହିଛି ବୋଲି ପୋଲିସ୍ କମିଶନର ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି। କୌଣସିବି ପରିସ୍ଥିତିରେ ଅର୍ଗାନାଇଜଡ କ୍ରାଇମ, ଦାଦାବଟି, ଚାନ୍ଦା ଏବଂ ଟେଣ୍ଡର ପିକ୍ସିଂକୁ ଗହଣ କରାଯିବ ନାହିଁ ବୋଲି ସିପି କହିଛନ୍ତି। ଯେଉଁ ମାନେ ଏଭଳି କାର୍ୟ୍ୟରେ ପ୍ରମାଣିତ ହେବେ ସେମାନଙ୍କ ପାଇଁ କଠୋରରୁ କଠୋର କାର୍ୟ୍ୟାନୁଷ୍ଠାନ ଗ୍ରଣ କରାଯିବ ବୋଲି ସୂଚନା ଦେଇଛନ୍ତି ସିପି।