ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ଢ଼େଙ୍କାନାଳ: ସନ୍ଦେହଘେରରେ ଯୁବକଙ୍କ ମୃତ୍ୟୁ । ଝୁଲନ୍ତା ଅବସ୍ଥାରେ ଉଦ୍ଧାର ହେଲା ମୃତଦେହ । ଢେଙ୍କାନାଳ ଜିଲା କଙ୍କଡାହାଡ଼ ଥାନା ବାଲିକୁମା ଗ୍ରାମର ଜଙ୍ଗଲରେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତକ ହେଲେ କଙ୍କଡାହାଡ଼ ଥାନା ବାଲିକୂମା ପଞ୍ଚାୟତ ଧୂଳିଗୋଠ ଗ୍ରାମର ପ୍ରକାଶ ସୋରେନ। ହତ୍ୟା କରି ଟାଙ୍ଗି ଦେଇଥିବା ପରିବାର ଲୋକ ଅଭିଯୋଗ କରିଛନ୍ତି ।

ପରିବାର ଲୋକଙ୍କ କହିବା ଅନୁସାରେ ଗତକାଲି ପ୍ରକାଶ ସକାଳୁ ଘରୁ ଆସି ୨ଟାଯାଏଁ ଘରକୁ ନଫେରିବାରୁ ଭାଇ ବିକାଶ ଫୋନ କରିଥିଲେ।ସେହି ସମୟରେ ପ୍ରକାଶଙ୍କ ଫୋନକୁ ଅନ୍ୟ ଜଣେ ଯୁବକ ଉଠାଇ କହିଥିଲେ,ତୁମେ ଯାହାକୁ ଖୋଜୁଛ ତାହାର ମୃତ୍ୟୁ ହୋଇଯାଇଛି।ଏହା ପରେ ବିକାଶ ପରିବାର ଲୋକଙ୍କ ଜଣାଇବା ପରେ ଗ୍ରାମବାସିଙ୍କ ସହାୟତାରେ ବହୁଖୋଜା ଖୋଜି କରିଥିଲେ। ଗ୍ରାମ ନିକଟସ୍ଥ ମାରାଡି ଜଙ୍ଗଲରୁ ଏକ ଓଢଣିରେ ଜୁଲନ୍ତା ମୃତଦେହ ଦେଖିବାକୁ ପାଇଥିଲେ। ମୃତଦେହ ଠାରୁ କିଛି ଦୂରରେ ପ୍ରକାଶଙ୍କ ସାଇକେଲ ଓ ଚପଲ ପଡିଥିବାର ଦେଖି୍ବାକୁ ମିଳିଛି।ଏହା ପରେ ପରିବାର ଲୋକ ଥାନାରେ ଲିଖିତ ଅଭିଯୋଗ କରିଛନ୍ତି, ଯେ ତାଙ୍କ ପୁଅକୁ ହତ୍ୟା କରିବା ପରେ ଏଠାକୁ ଆଣି ଝୁଲାଇ ଦିଆଯାଇଛି । ।ଘଟଣା ସ୍ଥଳରେ ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ଅଧିକ ତଦନ୍ତ ଜାରି ରଖିଛି।