ଡିଲ୍ ବେଳେ ମାଡିବସିଲା କ୍ରାଇମ୍ବ୍ରାଞ୍ଚ ଏସଟିଏଫ
ଭୁବନେଶ୍ୱର : ରାଜ୍ୟରେ ଦିନକୁ ଦିନ ବାଘ ଛାଲ ଚାଲାଣ କାରବାର ବୃଦ୍ଧି ପାଉଛି । ନୟାଗଡରେ ବାଘଛାଲ ବେପାର । କ୍ରାଇମ୍ବ୍ରାଞ୍ଚ ଏସଟିଏଫ କବଜାରେ ବାଘ ଛାଲ ଶିକାରୀ । ୪ ଲକ୍ଷର ଡିଲ୍ ବେଳେ କ୍ରାଇମ୍ବ୍ରାଞ୍ଚ ଏସଟିଏଫ ହାବୁଡରେ ପଡିଲେ ଶିକାରୀ । ଜଣେ ଶିକାରୀ ଓ ସହଯୋଗୀ ଗିରଫ ।
ତେବେ କୌଣସି ସୂତ୍ରରୁ ଖବର ପାଇ କ୍ରାଇମ୍ବ୍ରାଞ୍ଚ ଏସଟିଏଫ ନୟାଗଡ଼ ଅଞ୍ଚଳର ଏକ ସ୍ଥାନରେ ପହଁଞ୍ଚିଥିଲା । ସେଠାରେ ବାଘ ଛାଲ ନେଇ ୪ ଲକ୍ଷ ଟଙ୍କାର ଡିଲ୍ ହେଉଥିବା ବେଳେ କ୍ରାଇମ୍ବ୍ରାଞ୍ଚ ଏସଟିଏଫ ଧରିଛି । ସେଠାରୁ ଏହି ଶିକାରୀ ଓ ତାଙ୍କ ସହଯୋଗୀଙ୍କୁ କ୍ରାଇମବ୍ରାଞ୍ଚ ଏସଟିଏଫ ଗିରଫ କରିଛି । ଉକ୍ତ ସ୍ଥାନରୁ ଗୋଟିଏ କଲରାପତରିଆ ବାଘ ଛାଲ ଜବତ ହୋଇଥିବା ସୂଚନା ମିଳିଛି ।