ଦରଦାମ ବୃଦ୍ଧିନେଇ ୧୦ ବ୍ୟାପି ବିକ୍ଷୋଭ କରିବ କଂଗ୍ରେସ

ନୂଆଦିଲ୍ଲୀ: କରୋନା ମହାମାରୀରେ ଲୋକେ କାମ ଧନ୍ଦା ହରାଇଥିବା ବେଳେ ଦରଦାମ କିନ୍ତୁ ଆକାଶ ଛୁଆଁ ହୋଇଛି । ଯାହାକୁ ନେଇ ସବୁଠି ଆରମ୍ଭ ହୋଇଛି । ଦେଶରେ ଇନ୍ଧନର ମୂଲ୍ୟ ବୃଦ୍ଧି ବିରୋଧରେ କଂଗ୍ରେସ ଦେଶବ୍ୟାପୀ ବିକ୍ଷୋଭ କରିବ। ଆଗାମୀ ଜୁଲାଇ ୭ରୁ ଦେଶର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଏହି ବିକ୍ଷୋଭ ସମାବେଶ କରାଯିବ।

ଏହା ଜୁଲାଇ ୭ରୁ ୧୭ ପର୍ଯ୍ୟନ୍ତ ଦଶଦିନ ଧରି ଚାଲିବ। ଅଖିଳ ଭାରତ କଂଗ୍ରେସ କମିଟି (ଏଆଇସିସି)ର ସାଧାରଣ ସଂପାଦକ କେ ସି ବେଣୁଗୋପାଳ କହିଛନ୍ତି, ଦେଶବାସୀ କୋଭିଡ-୧୯ ମହାମାରୀରେ ନାନା ଅସୁବିଧାର ସମ୍ମୁଖୀନ ହେଉଥିବାବେଳେ ବେକାରୀ ସଂଖ୍ୟା ବୃଦ୍ଧି ସହିତ ବେତନ କାଟ ଚାଲିଛି। ଏଭଳି ପରିସ୍ଥିତିରେ ଇନ୍ଧନ ମୂଲ୍ୟ ବୃଦ୍ଧି ବୋଝ ଉପରେ ନଳିତା ବିଡା ଭଳି ହୋଇଛି। କଂଗ୍ରେସ ଦଳ ଏହା ବିରୋଧରେ ବ୍ଲକ, ଜିଲା ଓ ରାଜ୍ୟ ସ୍ତରରେ ବିକ୍ଷୋଭ କରିବାକୁ ନିଷ୍ପତ୍ତି ନେଇଛି। କଂଗ୍ରେସ ରାଜ୍ୟ ଶାଖାଗୁଡିକ ଏହି ବିକ୍ଷୋଭ ସମାବେଶ ଆୟୋଜନ କରିବ।

ସୂଚନାଯୋଗ୍ୟ ଯେ ପେଟ୍ରୋଲ ଓ ଡିଜେଲର ଦର ପ୍ରାୟ ପ୍ରତିଦିନ ବୃଦ୍ଧି ପାଇବାରେ ଲାଗିଛି। ଇତିମଧ୍ୟରେ ଦେଶରେ କେତେକ ସ୍ଥାନରେ ପେଟ୍ରୋଲ ଲିଟର ପିଛା ୧୦୦ ଟଙ୍କାରୁ ଅଧିକ ହୋଇଥିବାବେଳେ ଡିଜେଲ ଦର ୯୦ ଟଙ୍କାରୁ ଅଧିକ ହୋଇଛି। କଂଗ୍ରେସ ପକ୍ଷରୁ ଏହି ବିରୋଧାଭାସର ଅଂଶସ୍ୱରୂପ ଜିଲା ସ୍ତରରେ ସାଇକେଲ ଯାତ୍ରା, ଶୋଭାଯାତ୍ରା ଆୟୋଜନ କରାଯିବ। ଏଥିସହିତ ଦେଶବ୍ୟାପୀ ସମସ୍ତ ପେଟ୍ରୋଲ ପମ୍ପରେ ଦସ୍ତଖତ ସଂଗ୍ରହ ଅଭିଯାନ ମଧ୍ୟ ଆୟୋଜନ କରାଯିବ ବୋଲି ଦଳ ପକ୍ଷରୁ କୁହାଯାଇଛି।