ଜଳିଗଲା ବସ୍ , ସୁରକ୍ଷିତ ଯାତ୍ରୀ

କନ୍ଧମାଳ: ଚଳନ୍ତା ବସରେ ନିଆଁ । ଅଳ୍ପକେ ବର୍ତ୍ତିଲେ ବସରେ ବସିଥିବା ଯାତ୍ରୀ । ରାସ୍ତାରେ ହୁତୁହୁତୁ ହୋଇ ଜଳିଗଲା ଯାତ୍ରୀବାହୀ ବସ୍ । କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଛକଠାରେ ଥିବା ବସରେ ନିଆଁ ଲାଗି ଯାଇଥିଲା । ରୁଦ୍ରକାଳୀ ନାମକ ଏକ ଘରୋଇ ବସ ଏ ରାମପୁର ଠାରୁ ଭଞ୍ଜନଗର ଅଭିମୁଖେ ଯିବା ବେଳେ ହଠାତ ବସରେ ସର୍ଟ ସକ୍ରିଟ ଯୋଗୁଁ ନିଆଁ ଲାଗିଥିବା ସନ୍ଦେହ କରାଯାଉଛି । ଘଟଣା ସ୍ଥଳରେ ବାଲିଗୁଡ଼ା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ।

ତେବେ ବସରେ ଥିବା ଯାତ୍ରୀ ଅଳ୍ପକେ ବଡ଼ ବିପଦରୁ ବର୍ତ୍ତି ଯାଇଥିବା ବେଳେ ସେମାନଙ୍କ ମଧ୍ୟରୁ କେହି ଆହତ ହୋଇନଥିବା ଜଣାପଡ଼ିଛି ।। ଅଳ୍ପକେ ବର୍ତ୍ତି ଯାଇଛନ୍ତି ବସରେ ଥିବା ପାଖାପାଖି ୩୦ ଯାତ୍ରୀ । ତେବେ ଗାଡ଼ି ସହ ଜିନିଷପତ୍ର ମଧ୍ୟ ସବୁ ଜଳିପୋଡ଼ି ପାଉଁଶ ହୋଇଯାଇଛି । ତେବେ ଗାଡ଼ିରେ ହଠାତ ନିଆଁ ଲାଗିବାରୁ ପ୍ରାଣ ବଞ୍ଚାଇବାକୁ ଲୋକେ ବସରୁ ଓହ୍ଲାଇ ଯାଇଥିଲେ ବି ବସରେ ଥିବା ସେମାନଙ୍କ ଜିନିଷ ପତ୍ର ଆଣିବାର ସୁଯୋଗ ପାଇ ନଥିଲେ ।