କାଉଡ଼ି ଯାତ୍ରାକୁ ନେଇ ୟୁପି ସରକାରଙ୍କ ନିଷ୍ପତି ଉପରେ ସୁପ୍ରିମକୋର୍ଟ ରାୟ

ନୂଆଦିଲ୍ଲୀ: କରୋନାର ୩ୟ ତରଙ୍ଗର ଆଶଙ୍କାକୁ ନଜରରେ ରଖି କିଛି ରାଜ୍ୟରେ ,ରାଜ୍ୟସରକାର କାଉଡି ଯାତ୍ରା ଉପରେ ପ୍ରତିବନ୍ଧକ ଜାରି କରି ଥିବା ବେଳେ କିଛି ରାଜ୍ୟ କାଉଡି ଯାତ୍ରା ପାଇଁ ଅନୁମତି ଦେଇଛନ୍ତି। ଉତ୍ତରପ୍ରଦେଶରେ ଏହି ଯାତ୍ରା ପାଇଁ ଅନମୁତି ପ୍ରଦାନ କରାଇଥିବା ବେଳେ ଏହାକୁ ନେଇ ଉତ୍ତରପ୍ରଦେଶ ସରକାରଙ୍କ ଉପରେ ସୁପ୍ରିମକୋର୍ଟ ଅସନ୍ତୋଷ ପ୍ରକାଶ କରିଛନ୍ତି। ଏହାସହ ୟୁପି ସରକାର ଓ କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟଙ୍କ ଖଣ୍ଡପୀଠ ନୋଟିସ ଜାରି କରିଛନ୍ତି। ଆସନ୍ତା ୧୬ ତାରିଖରେ ଏହି ମାମଲାର ଶୁଣାଣି ହେବ।

ଦେଶରେ ଏବେ ମଧ୍ୟ କରୋନା ବିପଦ ଜାରି ରହିଥିବାରୁ ବିଭିନ୍ନ ରାଜ୍ୟରେ କାଉଡିଆଙ୍କ ଯାତ୍ରା ଉପରେ ରୋକ ଲଗାଯାଇଛି। ୟୁପି ସରକାରଙ୍କ ଅନୁମତି ନେଇ ସୁପ୍ରିମକୋର୍ଟ ଅସନ୍ତୋଷ ପ୍ରକାଶ କରିବା ସହ କୋର୍ଟ କହିଛନ୍ତି, କାଉଡି ଯାତ୍ରାକୁ ଅନୁମତି ମିଳିବା ପରେ ଲୋକଙ୍କ ମଧ୍ୟରେ ହଇଚଇ ସୃଷ୍ଟି ହୋଇଥିଲା। ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଡାକ୍ତରୀ ବିଶେଷଜ୍ଞମାନେ ଜନ ସମାଗମରୁ ଦୂରେଇ ରହିବା ସହ ସମସ୍ତ ନିୟମ ପାଳନ କରିବାକୁ ଚେତାବନୀ ଦେଉଛନ୍ତି। କରୋନାର ତୃତୀୟ ତରଙ୍ଗ ଆସୁଥିବା ଆଶଙ୍କା କରାଯାଉଥିବା ବେଳେ କୌଣସି ନିୟମର ଉଲ୍ଲଙ୍ଘନ କରାଯିବ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି।