ଅଲିମ୍ପିକ୍ସରେ ଚମକିଲେ ଭବାନୀ ଦେବୀ

ଅଲିମ୍ପିକ୍ସର ଚତୁର୍ଥ ଦିନରେ ଚମକିଛନ୍ତି ଭାରତର ପ୍ରଥମ ଫେନସର ଭବାନୀ ଦେବୀ । ବିଜୟ ସହ ଟେବୁଲ ଅଫ୍ ୩୨ରେ ପହଞ୍ଚିଛନ୍ତି ଭବାନୀ । ଟେବୁଲ ଟେନିସ ତୃତୀୟ ରାଉଣ୍ଡରେ ବିଜୟୀ ହୋଇଛନ୍ତି ଶରତ କମଲ । ସେହିପରି ଅତନୁ ଦାସ, ପ୍ରବୀଣ ଯାଦବ ଓ ତରୁଣଦୀପ ରାୟଙ୍କୁ ନେଇ ଭାରତୀୟ ପୁରୁଷ ତୀରନ୍ଦାଜ ଦଳ କ୍ବାର୍ଟର ଫାଇନାଲକୁ ଉନ୍ନୀତ ହୋଇଛନ୍ତି ।

ତେବେ ଆଜି ଟେନିସ ରାଉଣ୍ଡ-୨ ମୁକାବିଲାରେ ବିଶ୍ବର ରାଙ୍କ-୨ରେ ଥିବା ଡାନିଏଲ ମଡେଭଡେଭଙ୍କ ସହ ମୁହାଁମୁହିଁ ହୋଇଛନ୍ତି ସୁମିତ ନାଗାଲ । ଆକ୍ସନରେ ବକ୍ସର ଆଶିଷ କୁମାର ମଧ୍ୟ ରହିବେ । ସେହିପରି ଭାରତୀୟ ମହିଳା ହକି ଦଳ ଜର୍ମାନୀ ବିପକ୍ଷରେ ଅଭିଯାନ ଆରମ୍ଭ କରିଛି । ବ୍ୟାଡମିଣ୍ଟନ ପୁରୁଷ ଡବଲ୍ସରେ ସତ୍ବିକସାଇରାଜ ରାଙ୍କିରେଡ୍ଡି ଓ ଚିରାଗ ସେଟ୍ଟି ପରବର୍ତ୍ତି ରାଉଣ୍ଡଗୁ ଯିବାକୁ ଆଶା ରହିଛି । ପୁରୁଷ ସ୍କିଟ ଇଭେଣ୍ଟରେ ସୁଟର ମଇରାଜ ଅହମ୍ମଦ ଖାନ ଓ ଅଙ୍ଗଦବୀର ସିଂ ବାଜୱା ଅଂଶଗ୍ରହଣ କରିବେ । ସନ୍ତରଣକାରୀ ସାଜନ ପ୍ରକାଶ ମଧ୍ୟ ୨୦୦ ମିଟର ବଟରଫ୍ଲାଏ ହିଟ୍ସରେ ପ୍ରତିଦ୍ବନ୍ଦିତା କରିବେ ।