ଭୁବନେଶ୍ୱରରେ ୯୯ ଟପିଲା ପେଟ୍ରୋଲ ଦର

ଭୁବନେଶ୍ୱର: ଦିନକୁ ଦିନ ପେଟ୍ରୋଲ ଦର ଆକାଶ ଛୁଆଁ ହେବାକୁ ବସିଲାଣି । ଆଜି ରାଜଧାନୀ ଭୁବନେଶ୍ୱରରେ ୯୯ ଟଙ୍କା ୨୪ ପଇସା ରହିଛି ପେଟ୍ରୋଲ ଦର । ସେପଟେ ଡିଜେଲ ଦର ମଧ୍ୟ ବଢ଼ିଥିବା ଦେଖିବାକୁ ମିଳୁଛି । ଡିଜେଲ ଲିଟର ପିଛା ୯୬ ଟଙ୍କା ୮୮ ପଇସା ରହିଛି । ତେବେ ଭୁବନେଶ୍ୱରରେ ଦିନେ କିମ୍ବା ଦୁଇଦିନ ମଧ୍ୟରେ ୧୦୦ ଛୁଇଁବ ବୋଲି ଆଶଙ୍କା କରାଯାଉଛି । ଯାହାକୁ ନେଇ ଏବେ ନିମ୍ନ ଓ ମଧ୍ୟବିତ ପରିବାରମାନେ ଏବେ ଚିନ୍ତାରେ ଅଛନ୍ତି ।

କିଛିଦିନ ହେବ ଲଗାତାରଭାବେ ପେଟ୍ରୋଲ ଦର ବଢ଼ିବାରେ ଲାଗିଛି । ରାଜ୍ୟର ଅନେକ ଜିଲ୍ଲାରେ ଏବେ ୧୦୦ ଉପରେ ରହିଛି ପେଟ୍ରୋଲ ଦର । ସମ୍ବଲପୁରରେ ପେଟ୍ରୋଲ ଟ.୯୯.୮୪ ଓ ଡିଜେଲ ଟ.୯୭.୪୮ରେ ବିକ୍ରି ହେଉଛି । ମାଲକାନଗିରିରେ ପେଟ୍ରୋଲ ଟ.୧୦୪.୩୧ ଓ ଡିଜେଲ ୧୦୧.୭୯ରେ ବିକ୍ରି ହେଉଛି । ସେହିପରି ବାଲେଶ୍ବରରେ ପେଟ୍ରୋଲ ଟ. ୯୯.୨୪ ଓ ଡିଜେଲ ଟ.୯୬.୮୯ରେ ବିକ୍ରି ହେଉଛି । କୋରାପୁଟରେ ପେଟ୍ରୋଲ ଟ.୧୦୩.୫୫ ଓ ଡିଜେଲ ୧୦୧.୦୬ରେ ବିକ୍ରି ହେଉଛି ।