ନୀଳମାଧବ ପୀଠ ପରିଦର୍ଶନ କଲେ ୫ଟି ସଚିବ

ମୁଖ୍ୟମନ୍ତ୍ରୀ ନବୀନ  ପଟ୍ଟନାୟକଙ୍କ  ନର୍ଦେଶ କ୍ରମେ ମୁଖ୍ୟମନ୍ତ୍ରୀଙ୍କ ସଚିବ (୫ଟି) ଭି  କେ ପାଣ୍ଡିଆନ ଆଜି କଣ୍ଟିଲୋ ନୀଳମାଧଵ  ପୀଠ  ପରିଦର୍ଶନରେ  ଯାଇ  ମହାପ୍ରଭୁଙ୍କ  ଦର୍ଶନ କରିବା ସହ  ପୀଠର  ଉନ୍ନତି ସମ୍ପର୍କରେ ସ୍ଥାନୀୟ ଲୋକ ଓ ସେବାୟତମାନଙ୍କ ସହିତ  ଆଲୋଚନା  କରିଛନ୍ତି ।

ନୟାଗଡ  ଜିଲ୍ଲାର କଣ୍ଟିଲୋ ଏକ ପ୍ରସିଦ୍ଧ ଧାର୍ମିକ ପର୍ଯ୍ୟଟନ ସ୍ଥଳୀ । ମହାନଦୀ  କୂଳରେ ନୀଳମାଧଵ  ପୀଠର ଶୋଭା  ଅତ୍ୟନ୍ତ ମନୋରମ । ୫ଟି କାର୍ଯ୍ୟକ୍ରମରେ  ଏହି ପୀଠର  ବିକାଶ  କରି  ଅଧିକ  ପର୍ଯ୍ୟଟକଙ୍କୁ ସେଠାକୁ କିପରି  ଆକୃଷ୍ଟ କରାଯାଇପାରିବ , ସେ ସମ୍ପର୍କରେ  ସରକାର ପଦକ୍ଷେପ ନେଉଛନ୍ତି । ଏହା ସହିତ ଏଠାକୁ  ଆସୁଥିବା  ଭକ୍ତମାନଙ୍କ ସୁବିଧା ପାଇଁ ମଧ୍ୟ ବିଭିନ୍ନ ସୁବିଧା ସୁଯୋଗର ବିକାଶ କରାଯିବ ।

ଏ ନେଇ ଖୁଵଶୀଘ୍ର ଏକ  ମାଷ୍ଟର ପ୍ଲାନ କରାଯାଇ  ମୁଖ୍ୟମନ୍ତ୍ରୀଙ୍କ ଅନୁମୋଦନ  ନିମନ୍ତେ ଉପସ୍ଥାପନ  କରାଯିବ  ବୋଲି ଜଣାପଡ଼ିଛି । ଏଥିପାଇଁ ପୂର୍ତ୍ତ ବିଭାଗକୁ ଦାୟିତ୍ୱ ଦିଆଯାଇଛି । ଏହି କାର୍ଯ୍ୟକ୍ରମର  ସଫଳ  କାର୍ଯ୍ୟକାରିତା ପାଇଁ ସମସ୍ତଙ୍କ  ସହଯୋଗ  କାମନା  କରାଯାଇଥିଲା । ଏହି ପରଦର୍ଶନ  ସମୟରେ ଶ୍ରୀମନ୍ଦିର ମୁଖ୍ୟ ପ୍ରଶାସକ  ଶ୍ରୀ ବି. ବି ଯାଦବ, ନୟାଗଡ ଜିଲ୍ଲାପାଳ ଓ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।