ସିଆରପିରେ ଅଭିଯୁକ୍ତଙ୍କୁ ମାଡ଼ ମାରି ୫ ଗିରଫ

ଭୁବନେଶ୍ୱର: ସିଆରପି ଛକ ହତ୍ୟା ଘଟଣା ମାମଲାରେ ୨ଜଣ ଅଭିଯୁକ୍ତ ଗିରଫ । ଗିରଫ ଅଭିଯୁକ୍ତମାନେ ହେଲେ ସାଗର ପୃଷ୍ଟି, ସୁଧୀର ପୃଷ୍ଟି | ସେହିପରି ଅଭିଯୁକ୍ତ ୨ ଭାଇଙ୍କୁ ମାଡ଼ ଓ ପୋଲିସ ଗାଡ଼ି ଭଙ୍ଗାରୁଜା ଘଟଣାରେ ନିଆଯାଇଛି କାର୍ଯ୍ୟାନୁଷ୍ଠାନ । ଘଟଣାରେ ୫ଜଣଙ୍କୁ ଗିରଫ କରିଛି କମିଶନରେଟ ପୋଲିସ । ଭିଡ଼ିଓ ଫୁଟେଜ ଆଧାରରେ ଏମାନଙ୍କୁ ଗିରଫ କରାଯାଇଛି । ଏନେଇ ଡିସିପି ଉମାଶଙ୍କର ଦାଶ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି ।

ସୂଚନା ଅନୁଯାୟୀ, ଶନିବାର ଦିନ ଅପରାହ୍ନ ସମୟରେ ଭୁବନେଶ୍ୱରର ସିଆରପି ଛକରେ ପୂର୍ବ ଶତ୍ରୁତାକୁ କେନ୍ଦ୍ର କରି ହତ୍ୟାକାଣ୍ଡ ଘଟିଥିଲା । ସାଲିଆସାହିର ଟୁକୁନା ସାହୁ ଓରଫ ଜଟଙ୍କୁ ଆକ୍ରମଣ ଖଣ୍ଡା ଭଳି ଧାରୁଆ ଅସ୍ତ୍ରରେ ଆକ୍ରମଣ କରି ହତ୍ୟା କରିଥିଲେ ସୁଧୀର ଓ ସାଗର । ଯାହାପରେ ଘଟଣା ସ୍ଥଳରେ ଚାପା ଉତ୍ତେଜନା ଦେଖାଦେଇଥିଲା । ଉତ୍ୟକ୍ତ ଲୋକେ ୨ ଭାଇଙ୍କୁ ମାଡ଼ ମାରିଥିଲେ । ଏମିତିକି ଘଟଣାସ୍ଥଳକୁ ଯାଇଥିବା ପିସିଆର୍‌ ଭ୍ୟାନ୍‌କୁ ମଧ୍ୟ ଭଙ୍ଗାରୁଜା କରିଥିଲେ । ତେବେ ଏହି ଘଟଣାର ୨୪ଘଣ୍ଟା ନପୂରୁଣୁ ଆକ୍ସନ ମୋଡ଼କୁ ଆସିଥିଲା କମିଶନରେଟ ପୋଲିସ । ହତ୍ୟା ଘଟଣାରେ ୨ଜଣ ଅଭିଯୁକ୍ତଙ୍କୁ ଗିରଫ କରିବା ସହ ସେପଟେ ୨ ଭାଇଙ୍କୁ ମାଡ଼ ଓ ପୋଲିସ ଗାଡ଼ି ଭଙ୍ଗାରୁଜା ଘଟଣାରେ ୫ଜଣ ଗିରଫ କରାଯାଇଛି ।