ସ୍ତ୍ରୀକୁ ଟାଙ୍ଗିଆରେ ହାଣି ଥାନାରେ ଆତ୍ମ ସମର୍ପଣ କଲା ସ୍ୱାମୀ
ସ୍ତ୍ରୀକୁ ନୃଶଂସ ଭାବେ ଟାଙ୍ଗିଆରେ ହାଣି ଥାନାରେ ଆତ୍ମସମର୍ପଣ କରିଛି ସ୍ବାମୀ। କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ରଗଡା ଗ୍ରାମରେ ଏହି ବୀଭତ୍ସ ହତ୍ୟାକାଣ୍ଡ ଘଟିଥିବା ଜଣାଯାଇଛି। ଅଭିଯୁକ୍ତ ହେଲା ରଥିଆ ସେଠୀ।
ସୂଚନା ଅନୁସାରେ ପାରିବାରିକ କହଳ ଓ ଯୌତୁକକୁ ନେଇ ରଥିଆ ସେଠୀ ଓ ତା ସ୍ତ୍ରୀ ସୁଲୋଚନା ବେହେରାଙ୍କ ମଧ୍ୟରେ ଅନେକ ଦିନ ହେଲା କଳହ ଲାଗି ରହିଥିଲା। ଆଜି ଏହା ଉଗ୍ରରୂପ ନେଇଥିଲା। ରଥିଆ ଏଥିରେ ଉତ୍ତେଜିତ ହୋଇଥିଲା। ଏହା ପରେ ଘର ଭିତରୁ ଟାଙ୍ଗିଆ ଆଣି ସ୍ତ୍ରୀଙ୍କ ଉପରେ ଚୋଟ ପକାଇଥିଲା। ସ୍ବାମୀର ଟାଙ୍ଗିଆ ଚୋଟର ଶିକାର ହେଲା ପରେ ସୁଲୋଚନାଙ୍କ ମୃତ୍ୟୁ ହୋଇଥିଲା। ସ୍ତ୍ରୀଙ୍କୁ ହାଣି ହତ୍ୟା କରିବା ପରେ ଅଭିଯୁକ୍ତ ରଥିଆ ତେଲକୋଇ ଥାନାରେ ଆତ୍ମ ସମର୍ପଣ କରିଛି।
ଯୌତୁକ ନିର୍ଯାତନା ସହିତ ଜୀବନରେ ମାରି ଦେବାକୁ ଶାଶୁଘର ଲୋକ ପୂର୍ବରୁ ଧମକ ଦେଉଥିଲେବୋଲି କନ୍ୟାପିତାଙ୍କ ପରିବାର ପକ୍ଷରୁ ଅଭିଯୋଗ ଆଣିଛନ୍ତି। ଘଟଣାସ୍ଥଳରେ ତହସିଲଦାର, ସଦର ଏସଡିପିଓ, ଥାନା ଅଧିକାରୀଣୀ ତଥା ସାଇନ୍ସଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଏହି ଘଟଣା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି।