ରାଜ୍ୟରେ ଆହୁରି ତିନି ଦିନ ରହିବ କାଳବୈଶାଖୀ ପ୍ରଭାବ

 ମାଡି ଆସିଲା କଳାହାଣ୍ଡିଆ ମେଘ । ଦିନ ସୃଷ୍ଟି କଲା ସନ୍ଧ୍ୟାର ଭ୍ରମ ।  କଟକ, ଭୁବନେଶ୍ବର ସମେତ ରାଜ୍ୟର ବିଭିନ୍ନ ସ୍ଥାନରେ ଜାରି ରହିଛି ହାଲୁକା ବର୍ଷା  । ପବନ ବହିବା ସହ ହେଉଛି ବର୍ଷା  ।  କାଳବୈଶାଖୀ ନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ୨ ଘଣ୍ଟା  ପାଇଁ ୟଲୋ ୱାର୍ଣ୍ଣି ଜାରି କରିଛି ପାଣିପାଗ ବିଭାଗ  ।

କଟକ ଓ ଢେଙ୍କାନାଳ ଜିଲ୍ଲାକୁ ସତର୍କତା କରାଇଛନ୍ତି ପାଣିପାଗ ବିଭାଗ । ବିଜୁଳି ଘଡ଼ଘଡ଼ି ସହ ବର୍ଷା ହୋଇପାରେ ।  ୪୦ରୁ ୫୦ କିଲୋମିଟର ବେଗରେ ପବନ ବହିପାରେ ।  କାଳବୈଶାଖୀ ପ୍ରଭାବରେ ଢେଙ୍କାନାଳରେ ପବନ ଓ ବର୍ଷା ଜାରି ରହିଛି  । ଗତକାଲି ମଧ୍ୟ ରାତିରୁ ବର୍ଷା ପବନ ଜାରି ରହିଛି । ତୁହାକୁ ତୁହା ବର୍ଷା ପବନ ଜାରି ରହିଥିବା ବେଳେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି  ।  ବିଜୁଳି ଘଡଘଡି ସହ ବର୍ଷା ପବନ ହେଉଛି  । ଗତକାଲି ରାତିରୁ ବର୍ଷା ପବନ ପ୍ରଭାବରେ ବିଦ୍ୟୁତ ସରବରାହ ବନ୍ଦ ରହିଛି  l

ସେପଟେ ବିଜୁଳି ଘଡ଼ଘଡ଼ି ସହ ବର୍ଷା ନେଇ ଆଜି ପାଇଁ ୧୫ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରି ପାଣିପାଗ ବିଭାଗ । କେତେକ ସ୍ଥଳରେ ୫୦ରୁ ୬୦ କିଲୋମିଟର ବେଗରେ ପବନ ବହିପାରେ । କିଛି ଦିନ ହେଲା ଅସହ୍ୟ ଗରମ ଲାଗି ରହିଥିବା ବେଳେ କାଳବୈଶାଖୀ ବର୍ଷା ଗରମରୁ ଆଶ୍ବସ୍ତି ଆଣିବ । ଏଥିସହ ରାଜ୍ୟରେ ଆହୁରି  ୩  ଦିନ ଯାଏ  କାଳବୈଶାଖୀ ବର୍ଷା ଜାରି ରହିବ  ।

୨୨  ତାରିଖ  ଯାଏଁ  ବର୍ଷାର ସତର୍କତା ରହିଥିବା ବେଳେ ୨୩ ବେଳକୁ ପାଗରେ ପରିବର୍ତ୍ତନ ହେବ ବୋଲି କହିଛି ପାଣିପାଗ ବିଭାଗ । ତେବେ ବର୍ତ୍ତମାନ ରାଜ୍ୟ ଉପରେ ଦୁଇଟି ଟ୍ରପ ଲାଇନ୍ ବା ନିମ୍ନ ଚାପ ରେଖା ସକ୍ରିୟ ରହିଛି  । ଫଳରେ  ବର୍ଷା ହେଉଛି  ।  ଆଗାମୀ ତିନିଦିନ ହାଲକାରୁ ମଧ୍ୟମ  ଧରଣର ବର୍ଷା  ଅଧିକାଂଶ  ସ୍ଥାନରେ ହେବାକୁ ଥିବା ବେଳେ ୨ ଦିନ ପରେ ୨ରୁ ୩ ଡିଗ୍ରୀ ତାପମାତ୍ରା  ବଢିବ  ବୋଲି ବିଭାଗ ଆକଳନ କରିଛି , ଅର୍ଥାତ ପୁଣି ରାଜ୍ୟରେ  ଅସହ୍ୟ ତାତିର ଅନୁଭବ ହେବ ।