ଯାଁଳା ଫାଣ୍ଡି ସାମ୍ନାରେ ଭୟଙ୍କର ଦୁର୍ଘଟଣା, ଟାଟା ଏସିଇକୁ ପିଟିଲା କାର୍
ଦୁର୍ଘଟଣା ନେଲା ୨ ଜୀବନ । ଜଣେ ଗୁରୁତର । ରାଜଧାନୀ ଯାଁଳା ଫାଣ୍ଡି ସାମ୍ନାରେ ମର୍ମନ୍ତୁଦ ଦୁର୍ଘଟଣା । ଟାଟା ଏସିଇକୁ ପିଟିଲା କାର୍ । ଡିଭାଇଡର ଦେଇ ବିପରୀତ ରାସ୍ତାରେ ପିଟିଲା କାର । ଖୋର୍ଦ୍ଧା ପଟୁ ଗୋଟିଏ କାର ଭୁବନେଶ୍ବର ଯାଉଥିବାବେଳେ ହଠାତ ଡିଭାଇଡର ଭାଙ୍ଗି ବିପରୀତ ରାସ୍ତାରେ ଖୋର୍ଦ୍ଧା ପଟୁ ଆସୁଥିବା ଟାଟା ଏସି ଗାଡି ସହ ପିଟି ହୋଇ ଯାଇଥିଲା ।
ଦୁର୍ଘଟଣା ଏତେ ଭୟଙ୍କର ଥିଲା ଯେ ଗାଡି ଭିତରୁ ଚାଳକ ଛିଟିକି ପଡିଥିଲେ । ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଅଛନ୍ତି । ଇନଫୋ ଭ୍ୟାଲି ଥାନା ପୋଲିସ ଆହତଙ୍କୁ ମେଡିକାଲ ପଠାଇବା ସହ ଗାଡି ଜବତ କରିଛି । କାହା ଭୁଲରୁ ଦୁର୍ଘଟଣା ଘଟିଲା ଜଣାପଡିନି । ଟ୍ରାଫିକ ଜାମ୍ ହୋଇଥିବାରୁ ନିୟନ୍ତ୍ରଣ କରୁଛି ପୋଲିସ ।