11 ରେ ମିଳିବ ଆୟୁଷ୍ମାନ କାର୍ଡ

ଆସନ୍ତା 11 ତାରିଖ ଦିନ ରାଜ୍ୟରେ ଆୟୁଷ୍ମାନ ଭାରତ ଯୋଜନା କାର୍ଯ୍ୟ ଆରମ୍ଭ କରିବା ନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ସଭାପତି ଶ୍ରୀ ଜେପି ନଡ୍ଡା କଟକ ଠାରେ ଏହି କାର୍ଯ୍ୟକ୍ରମ କୁ ଉଦଘାଟନ କରିବେ l କଟକ ବାଲିଯାତ୍ରା ପଡିଆ ରେ ଏଥିପାଇଁ ଏକ ଭବ୍ୟ ସମାରୋହ ର ଆୟୋଜନ ହୋଇଛି l

ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଶ୍ରୀ ମୁକେଶ ମହାଲିଙ୍ଗ ଆଜି ଏହିଠାରେ ଏକ ସାମ୍ବାଦିକ ସମିଳନୀ ରେ ଏହି ଘୋଷଣା କରିଛନ୍ତି l ଏଣିକି ପରିବାରର ପ୍ରତି ସଦସ୍ୟଙ୍କୁ ମିଳିବ ଆୟୁଷ୍ମାନ ଭାରତ କାର୍ଡ । ପୂର୍ବରୁ ପରିବାର ପିଛା ଗୋଟିଏ କାର୍ଡ ମିଳୁଥିଲା ଏବେ ପରିବାରର ସମସ୍ତଙ୍କୁ ଏହି କାର୍ଡ ମିଳିବ ବୋଲି କହିଛନ୍ତି ମନ୍ତ୍ରୀ ।

ଘରୋଇ ଓ ସରକାରୀ ହସ୍ପିଟାଲରେ ଚିକିତ୍ସା ମିଳିବ । ପୂର୍ବରୁ ୧୬ ରାଜ୍ୟର ୯୦୦ ହସ୍ପିଟାଲରେ ଚିକିତ୍ସା ସେବା ମିଳୁଥିଲା । ଏବେ ଦେଶ ଓ ରାଜ୍ୟର ମୋଟ୍ ୨୯ ହଜାର ମେଡିକାଲରେ ଆୟୁଷ୍ମାନ କାର୍ଡ ହିତାଧିକାରୀ ଚିକିତ୍ସା ସୁବିଧା ପାଇପାରିବେ ।

ସେ କହିଛନ୍ତି ଯେ ପୁରୁଷ ମାନଙ୍କ ପାଇଁ ବାର୍ଷିକ 5 ଲକ୍ଷ୍ୟ ଟଙ୍କାର ସ୍ୱାସ୍ଥ୍ୟବୀମା ଏବଂ ମହିଳା ମାନଙ୍କ ପାଇଁ ବାର୍ଷିକ 10ଲକ୍ଷ ଟଙ୍କାର ସ୍ୱାସ୍ଥ୍ୟବୀମା କରାଯିବ l ଏହାଦ୍ୱାରା ଓଡିଶା ର ସାଢେ ତିନି କୋଟି ଲୋକ ଉପକୃତ ହେବେ l