ମଣିପୁରରେ ଗୁଳି ବିନିମୟ

ଅଶାନ୍ତ ମଣିପୁର । ଗୁଳି ବିନିମୟରେ ଟଳିପଡ଼ିଲେ ୧୦ ସନ୍ଦିଗ୍ଧ ଆତଙ୍କୀ । ଏଥିସହ ଦୁଇ ଜଣ ସିଆରପିଏଫ ସୁରକ୍ଷାକର୍ମୀ ଆହତ ମଧ୍ୟ ହୋଇଛନ୍ତି । ତେବେ କିଛି ସମୟ ଧରି ଗୁଳି ବିନିମୟ ଫଳରେ ୧୦ ସନ୍ଦିଗ୍ଧ ଆତଙ୍କୀ ହୋଇଥିବା ଟଳିପଡ଼ିଥିବା ବେଳେ ସେହି ଅଞ୍ଚଳର ୫ ଜଣ ନିଖୋଜ ଅଛନ୍ତି । ଏନେଇ ସେମାନଙ୍କ ସନ୍ଧାନ ପାଇଁ ପୋଲିସ ଛାନଭିନ ଜାରି ରଖିଥିବା ସୂଚନା ମିଳିଛି।

ପୋଲିସ ପକ୍ଷରୁ ମିଳିଥିବା ସୂଚନା ମୁତାବକ, ଗୁରୁବାର ରାତିରେ ମଣିପୁରର ଜିରିବାମ ଜିଲ୍ଲାରେ କୁକି ସମ୍ପ୍ରଦାୟ ବସବାସ କରୁଥିବା ଅଞ୍ଚଳରେ ସନ୍ଦିଗ୍ଧ ଆତଙ୍କୀମାନେ ଆକ୍ରମଣ କରିଥିଲେ । ଏହି ଆକ୍ରମଣ ଫଳରେ ଜଣେ ମହିଳାଙ୍କ ଜୀବନ ଯାଇଥିଲା । କେବଳ ଉଗ୍ରବାଦୀମାନେ କୁକି ସମ୍ପ୍ରଦାୟର ପାଖାପାଖି ୧୦ଟି ଘର ଜାଳି ଦେଇଥିବା ନେଇ ମଧ୍ୟ ଅଭିଯୋଗ ହୋଇଛି । କିଛି ଦିନର ବ୍ୟବଧାନ ପରେ ପୁଣି ଅଶାନ୍ତ ପାଲଟିଛି ମଣିପୁର । ପ୍ରକାଶ ଥାଉକି, ଗତ ବର୍ଷ ମଣିପୁର ହିଂସା ସାରା ଦେଶର ଚିନ୍ତା ବଢାଇଥିଲା । ଏହି ହିଂସା ଯୋଗୁଁ ଅଶାନ୍ତ ପାଲଟିଥିବା ମଣିପୁର । ଏହାସହ ଅନେକଙ୍କ ଜୀବନ ଯାଇଥିବାର ନଜିର ମଧ୍ୟ ରହିଛି । ମୈତେଇ ଏବଂ କୁକି ସମ୍ପ୍ରଦାୟ ମଧ୍ୟରେ ଗତ ବର୍ଷ ମେ ୩ ତାରିଖରେ ବିବାଦ ଦେଖା ଦେଇଥିଲା । ଯାହା ପରବର୍ତ୍ତୀ ସମୟରେ ବଡ଼ ଧରଣର ହିଂସାର ରୂପ ନେଇଥିଲା । ଏହି ଦୁଇ ସମ୍ପ୍ରଦାୟ ମଧ୍ୟରେ ଲାଗି ରହିଥିବା ହିଂସା କାରଣରୁ ପାଖାପାଖି ୨୩୦ ଜଣଙ୍କ ଜୀବନ ଗଲାଣି । ସେହିପରି ୬୫ ହଜାରରୁ ଅଧିକ ଲୋକ ନିଜର ବାସସ୍ଥାନ ହରାଇଛନ୍ତି । ସେମାନଙ୍କୁ ଆଶ୍ରୟସ୍ଥଳରେ ମୁଣ୍ଡ ଗୁଞ୍ଜିବାକୁ ପଡିଛି । ପୁଣି ଥରେ ଏହି ହିଂସାକୁ ନେଇ ବଡ଼ ଖବର ସାମନାକୁ ଆସିଛି ।