ଚିତ୍ତ ରଂଜନ ମୃତ୍ୟୁ ମାମଲାରେ ତଦନ୍ତ ଆରମ୍ଭ କଲା କ୍ରାଇମ ବ୍ରାଞ୍ଚ ଟିମ୍

ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମାଙ୍କ ପ୍ରାଇଭେଟ୍ ପିଏସ୍ଓ ଚିତ୍ତରଞ୍ଜନ ପଲେଇଙ୍କ ହତ୍ୟା ଘଟଣାର ତଦନ୍ତ ଆରମ୍ଭ କଲା କ୍ରାଇମବ୍ରାଞ୍ଚ । ଡିଏସପି ଶିଶିର ମିଶ୍ରଙ୍କ ନେତୃତ୍ବରେ ୪ ଜଣିଆ ଟିମ୍ ପ୍ରଥମ ଦିନରେ ଚିତ୍ତରଞ୍ଜନଙ୍କ ମୃତ୍ୟୁ ହୋଇଥିବା ଘଟଣାସ୍ଥଳରୁ ତଦନ୍ତ ଆରମ୍ଭ କରିଛନ୍ତ । ବ୍ରହ୍ମଗିରି ଗଡମୃଗସିରା ଅଞ୍ଚଳ ଭାର୍ଗବୀ ନଦୀର ନୂଆନଈ ଅଞ୍ଚଳକୁ ଯାଇ ଛାନଭିନ୍ କରିଛି ଟିମ୍ ।
ବୁଧବାର ରାତି ୧୦ଟା ୧୫ମିନିଟ୍ରେ କ୍ରାଇମବ୍ରାଞ୍ଚ ଟିମ୍ ପ୍ରଥମେ ପୁରୀ ଏସପିଙ୍କ କାର୍ୟ୍ୟାଳୟରେ ପହଞ୍ଚି ଘଟଣା ଏସ୍ପିଙ୍କ ସହ ଆଲୋଚନା କରିଥିଲେ । କେଉଁ ପରିସ୍ଥିତିରେ ଚିତ୍ତରଞ୍ଜନଙ୍କ ହତ୍ୟା କରାଯାଇଛି ଏବଂ ପୋଲିସ କାହାକୁ ଅଟକ ରଖି ପଚରାଉଚରା କରୁଛି ସେନେଇ କ୍ରାଇମବ୍ରାଞ୍ଚ ଟିମ୍ ଏସପିଙ୍କ ସହ ଆଲୋଚନା କରିଥିଲେ । ତେବେ ପୋଲିସ ଠାରୁ ସମସ୍ତ ଦସ୍ତାବିଜ୍ କ୍ରାଇମବ୍ରାଞ୍ଚ ଟିମ୍ ଗ୍ରହଣ କରିବା ପରେ ଆଜିଠାରୁ ତଦନ୍ତ ଆରମ୍ଭ ହେବ।