ଅଭାବନୀୟ ଘଟଣା: ବୋହୂର ନାକ କାଟିଦେଲା ଶ୍ବଶୁର

ବୋହୂର ନାକ କାଟିଦେଲା ଶ୍ବଶୁର। ଏଭଳି କିଛି ଅଭାବନୀୟ ଘଟଣା ଘଟିଛି କଟକ ଗୁରୁଡ଼ିଝାଟିଆ ଥାନା ଗୋବରା ଗାଁରେ। ମିଳିଥିବା ସୂଚନା ମୁତାବକ, ନାତୁଣୀ ଛୁରି ଧରି ଖେଳୁଥିବା ବେଳେ ଶ୍ବଶୁର ଅମର ନାୟକ ଏହାକୁ ଆପତ୍ତି ଉଠାଇବା ସହ ନାତୁଣୀକୁ ପିଟିଥିଲେ। ଏହି ଘଟଣାକୁ ନେଇ ବୋହୂ ଓ ଶ୍ବଶୁର ମଧ୍ୟରେ ମୁହାଁମୁହିଁ ସ୍ଥିତି ଉପୁଜିଥିଲା। ରାଗି ଯାଇ ନାତୁଣୀ ଧରିଥିବା ଛୁରୀରେ ବୋହୂର ନାକ କାଟି ଦେଇଥିଲେ ଅଭିଯୁକ୍ତ ଶ୍ବଶୁର।

ଗୁରୁତର ଅବସ୍ଥାରେ ବୋହୂ ମେଡିକାଲରେ ଭର୍ତ୍ତି ହୋଇଥିବା ବେଳେ ଅଭିଯୁକ୍ତ ଶ୍ବଶୁରଙ୍କୁ ପୋଲିସ୍ ଅଟକ ରଖି ପଚରାଉଚରା କରୁଛି। 

ସେମିତି ଆଉ ଏକ ଅଭାବନୀୟ ଘଟଛି । ବାଲଟିରେ ପିଟିପିଟି ସ୍ତ୍ରୀକୁ ହତ୍ୟା କରିଛି ସ୍ବାମୀ। ପାରିବାରିକ କଳହର ଏପରି କିଛି କରୁଣ ପରିଣତି ଦେଖିବାକୁ ମିଳିଛି ବାଲେଶ୍ବର ଜଳେଶ୍ବର ଥାନା ବାଣିଦା ଗାଁରେ।

ସୂଚନା ଅନୁଯାୟୀ ବାଣିଦା ଗାଁର ସଞ୍ଜୟ ମହାନ୍ତି ଓ କବିତାଙ୍କ ମଧ୍ୟରେ କୌଣସି କାରଣକୁ ନେଇ ଗଣ୍ଡଗୋଳ ହୋଇଥିଲା। ଆଜି ସକାଳୁ ଉତ୍ୟକ୍ତ ହୋଇ ବାଲଟିରେ ସ୍ତ୍ରୀକୁ ମାଡ଼ ମାରିଥିଲେ ସ୍ବାମୀ ସଞ୍ଜୟ। ଘଟଣା ପରେ ଅଭିଯୁକ୍ତ ସ୍ବାମୀକୁ ଅଟକ ରଖି ତଦନ୍ତ କରୁଛି ପୋଲିସ୍।