ସନ୍ନି ଲିୟୋନୀ ଆରମ୍ଭ କଲେ ବିକ୍ରମ ଭଟ୍ଟଙ୍କ ନୂଆ ୱେବ୍ ସିରିଜ୍ ର ସୁଟିଙ୍ଗ୍….
ବିକ୍ରମ ଭଟ୍ଟଙ୍କ ସନ୍ନି ଲିୟୋନୀ ଷ୍ଟାରର୍ ୱେବ୍ ସିରିଜ୍ ଅନାମିକା ର ସୁଟିଙ୍ଗ ଆରମ୍ଭ ହୋଇଯାଇଛି । ଅନାମିକା ୧୦ ଏପିସୋଡ ବିଶିଷ୍ଟ ୱେବ୍ ସିରିଜ୍ । ସନ୍ନି ଲିୟୋନୀ ଏଥିରେ ଆକ୍ସନ ଅବତାରରେ ନଜର ଆସିବେ । ବିକ୍ରମ ଭଟ୍ଟ ଏ ନେଇ କହିଛନ୍ତି, “ଲକ୍ଡାଉନ ପାଇଁ ସୁଟିଙ୍ଗ କିଛି ସମୟ ପର୍ଯ୍ୟନ୍ତ ସ୍ଥଗିତ ଥିଲା କିନ୍ତୁ ଇଣ୍ଡଷ୍ଟ୍ରି କେବେ କାମ କରିବା ବନ୍ଦ କରେନାହିଁ, ତେଣୁ ଆମେ ପୁଣି ଫେରିଛୁ । ଆମେ ଏବେ ସନ୍ନିଙ୍କ ସହିତ ସୁଟିଙ୍ଗ ଆରମ୍ଭ କରିଛୁ । ଏହା ଏକ ଶାନ୍ଦାର୍ ଓ ଉତ୍ସାହଜନକ ଆରମ୍ଭ । ଦର୍ଶକ ମାନେ ଏଥିରେ ସନ୍ନିଙ୍କୁ ମାର୍ଶଲ ଆର୍ଟ କରୁଥିବାର ଏବଂ ହତିଆର ଚଲାଉଥିବାର ଦେଖିବେ ।”
ଏହା ଆକ୍ସନ୍ ରେ ଭରପୂର ଏକ ରୋମାଞ୍ଚକର ପ୍ରୋଜେକ୍ଟ । ଅନାମିକା ୧୦ ଏପିସୋଡ ବିଶିଷ୍ଟ ଏକ ଗନ୍ -ଫୁ ଆକ୍ସନ ସିରିଜ । ସନ୍ନି ଆକ୍ସନ ଅବତାରରେ ପ୍ରଥମ ଥର ପାଇଁ ନଜର ଆସିବେ । ସିରିଜର ସୁଟିଙ୍ଗ ମୁମ୍ବାଇରେ ହେବ । ପ୍ରଥମ ସିଡ୍ୟୁଲ୍ ବର୍ଷ ଶେଷ ସୁଦ୍ଧା ସରିବାର ଅଛି । ବିକ୍ରମ ଭଟ୍ଟ ଙ୍କ ଦ୍ୱାରା ଲିଖିତ ଏବଂ ନର୍ଦ୍ଦେଶିତ ଏହି ସିରିଜ୍ ଭଟ୍ଟ ଏବଂ ତାଙ୍କ ଝିଅଙ୍କ ଦ୍ୱାରା ନିର୍ମିତ । ଏହା ଏମ୍ ଏକ୍ସ ପ୍ଲେ୍ୟର ରେ ରିଲିଜ୍ ହେବ ।