ହଷ୍ଟେଲରେ ପରିବେଷିତ ହେଉଛି ଲୁହା ପରି ଟାଣ ପରାଠା, ଇଣ୍ଟରନେଟରେ ଭିଡିଓ ଭାଇରାଲ
ଯଦି ଆପଣ କେବେ ହଷ୍ଟେଲ୍ରେ ରହିଛନ୍ତି ତ ଆପଣଙ୍କର ଅନେକ ମିଠା ସ୍ମୃତି ରହିଥିବ। ନିଜ ବନ୍ଧୁଙ୍କ ସହ ବିତାଇଥିବା ସେ ଦିନ ସବୁ ମନେ ପଡ଼ିଲେ ଆଜି ବି ଆପଣଙ୍କୁ ଖୁସି ଲାଗୁଥିବ। ପରୀକ୍ଷାର ଏକ ଦିନ ପୂର୍ବରୁ ରାତି ଅନିଦ୍ରା ହୋଇ ପାଠ ପଢ଼ିବାରୁ ନେଇ ସାଙ୍ଗମାନଙ୍କ ସହ ଅନର୍ଗଳ ଗପ ସବୁ ଗୋଟାଏ ଗୋଟାଏ ମିଠା ସ୍ମୃତି।
ହେଲେ ଏମିତି ଅନେକ ହଷ୍ଟେଲ୍ ଅଛି ଯେଉଁଠାରେ ଖାଦ୍ୟ ଖୁବ୍ ଖରାପ ମିଳିଥାଏ। ଖାଇବାକୁ ନେଇ ଅଭିଯୋଗ କରି କରି ଅନ୍ତେବାସୀଙ୍କ ଦିନ କଟିଥାଏ। ନିକଟରେ ଅନ୍ଲାଇନ୍ରେ ଏକ ଭିଡିଓ ଭାଇରାଲ୍ ହୋଇଛି। ଭାଇରାଲ୍ ଭିଡିଓରେ ଜଣେ ଯୁବତୀ ନିଜ ହଷ୍ଟେଲ୍ ପକ୍ଷରୁ ଦିଆଯାଇଥିବା ପରଟାକୁ ନେଇ ଅଭିଯୋଗ ଆଣିଥିବା ଆପଣ ଦେଖି ପାରୁଥିବେ।
ଏହି କ୍ଲିପ୍କୁ ଟ୍ବିଟର୍ରେ ସେୟାର୍ କରାଯାଇଛି। ଯୁବତୀ ଜଣକ ପରଟାକୁ ବାଡ଼େଇ ବାଡ଼େଇ ଦେଖଉଛନ୍ତି ତାହା କେତେ ଟାଣ ହୋଇଛି। ପରଟାଟିକୁ ବାଡ଼େଇବାରୁ ସେଥିରୁ ଠକ୍ ଠକ୍ ଶବ୍ଦ ଶୁଭୁଥିବା ବି ଆପଣ ଶୁଣି ପାରୁଥିବେ। ଏହି ଭିଡିଓଟିକୁ ଦେଖି ସୋସିଆଲ୍ ମିଡିଆ ବ୍ୟବହାରକାରୀ କହିବା ଆରମ୍ଭ କରିଛନ୍ତି ଯେ ଏହା ଲୁହାଠାରୁ ବି ଟାଣ।
ଭିଡିଓଟିକୁ ଟ୍ବିଟର୍ରେ ସାକ୍ଷୀ ଜୈନ୍ ନାମ୍ନୀ ଜଣେ ଯୁବତୀ ସେୟାର କରିଛନ୍ତି। ୧୫ ସେକେଣ୍ଡ୍ର ଏହି ଭିଡିଓରେ ଯୁବତୀ ଜଣକ କ୍ୟାପ୍ସନ୍ ଲେଖିଛନ୍ତି, ‘ହଷ୍ଟେଲ୍ ଖାଦ୍ୟ’। ସୋସିଆଲ୍ ମିଡିଆ ବ୍ୟବହାରକାରୀ ଏହି ଭିଡିଓରେ ଭିନ୍ନ ଭିନ୍ନ ପ୍ରତିକ୍ରିୟା ରଖିଥିବା ବେଳେ କେହି କେହି ଏୟାକୁ ହାତୁଡ଼ି’ ବୋଲି ବି ଲେଖିଛନ୍ତି।