ଆଜି କରିସ୍ମା କପୁରଙ୍କ ଜନ୍ମଦିନ

ମୁମ୍ବାଇ: କରିସ୍ମା କପୁର । ଏହି ନାମ ହିଁ ଟଥେଷ୍ଟ । ସମସ୍ତେ ଏହି ଅଭିନେତ୍ରୀଙ୍କୁ ଜାଣନ୍ତି । ୯୦ ଦଶକରେ ବଲିଉଡ଼ରେ ତାଙ୍କର ବେଶ ପତିଆରା ଥିଲା । ଆଜି ମଧ୍ୟ ସେ ବେଶ ସୁନ୍ଦର ଦେଖାଯାଉଛନ୍ତି । ଆଜି ହେଉଛି ଏହି ସୁନ୍ଦରୀ ଅଭିନେତ୍ରୀ କରିସ୍ମା କପୁରଙ୍କ ଜନ୍ମଦିନ । ୪୭ ବର୍ଷ ବୟସରେ ପାଦ ଥାପିଛନ୍ତି କରିସ୍ମା । ସେ ୧୯୭୪ ମସିହାରେ ଜୁନ ୨୫ ତାରିଖରେ ମୁମ୍ବାଇରେ ଜନ୍ମ ଗ୍ରହଣ କରିଥିଲେ । ବିବାହ ପରେ ଅଭିନୟକୁ ଏକପ୍ରକାର ଅଲବିଦା କହିଛନ୍ତି କରିସ୍ମା । ତେବେ ଆଜି ମଧ୍ୟ ତାଙ୍କର ଗୋଟିଏ ଗୋଟିଏ ଝଲକ ପାଇବା ଲାଗି ଦର୍ଶକମାନେ ପାଗଳ ହୋଇଥାନ୍ତି ।

୧୭ ବର୍ଷ ବୟସରେ ସିନେ ଜଗତରେ ପାଦ ଥାପିଥିଲେ କରିସ୍ମା । ‘ପ୍ରେମ କଏଦୀ’ ସିନେମା ଜରିଆରେ ବଲିଉଡରେ ପାଦ ଥାପିଥିଲେ କରିସ୍ମା । ଏହାପରେ ବହୁ ହିଟ ଫିଲ୍ମରେ ଅଭିନୟ କରି ନିଜର ଛାପ ଛାଡ଼ିଯାଇଛନ୍ତି । ସୁପରଷ୍ଟାର ଗୋବିନ୍ଦାଙ୍କ ସହ ତାଙ୍କ ଯୋଡ଼ିକୁ ଦର୍ଶକେ ବେଶ ପ୍ରଂଶସା କରୁଥିଲେ । ଉଭୟଙ୍କ ଡ୍ୟାନ୍ସ ସମସ୍ତଙ୍କୁ ମତୁଆଲା କରୁଥିଲା । ଆଜି ସେମାନଙ୍କ ଅଭିନିତ ଗୀତ ସମସ୍ତଙ୍କ ହୃଦୟରେ ରାଜ କରୁଛି । ତେବେ ତାଙ୍କ ଜନ୍ମ ଅବସରରେ ସେ ଗାର୍ଲଗ୍ୟାଙ୍ଗ ସହ ପାଳନ କରିଥିବା ଦେଖିବାକୁ ମିଳିଛି । କରିସ୍ମାଙ୍କ ବନ୍ଧୁ ଅମୃତା ଅରୋରା ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି । ଯେଉଁଥିରେ କରିସ୍ମା ସହ କରିନା ଓ ଅନ୍ୟ ଦୁଇଜଣ ବନ୍ଧୁ ଅଛନ୍ତି ।