ବିବାହ ବନ୍ଧନରେ ବାନ୍ଧି ହେଲେ ୟୁଜବେନ୍ଦ୍ର ଚହଲ ଓ ଧନଶ୍ରୀ ବର୍ମା

ବିବାହ ବନ୍ଧନରେ ବାନ୍ଧି ହୋଇଛନ୍ତି ୟୁଜବେନ୍ଦ୍ର ଚହଲ ଓ ଧନଶ୍ରୀ ବର୍ମା | ଅଷ୍ଟ୍ରେଲିଆ ଗସ୍ତରୁ ଫେରିବା ପରେ ଭାରତୀୟ ଦଳର ଷ୍ଟାର ସ୍ପିନର ୟୁଜବେନ୍ଦ୍ର ଚହଲ ବିବାହ ବନ୍ଧନରେ ବାନ୍ଧି ହୋଇଛନ୍ତି। ସେ କୋରିଓଗ୍ରାଫର ଧନଶ୍ରୀ ବର୍ମାଙ୍କୁ ମଙ୍ଗଳବାର ଦିନ ବିବାହ କରିଛନ୍ତି।ତେବେ ଏନେଇ ଚହଲ ନିଜ ଇନଷ୍ଟାଗ୍ରାମରେ ଫଟୋ ସେୟାର କରି ବିବାହର ଖୁସି ଖବର ନିଜ ଫ୍ୟାନ୍ସ ମାନଙ୍କୁ ଦେଇଛନ୍ତି। ଫଟୋ ସେୟାର ପରେ ପରେ ଚହଲ ଓ ଧନଶ୍ରୀଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଥିଲା | ତେବେ ବିବାହ ଫଟୋରେ ଧନଶ୍ରୀ ଗାଢ ଲାଲ ରଙ୍ଗର ଲେହଙ୍ଗା ପିନ୍ଧିଥିବା ବେଳେ ଚହଲ ସେରଓ୍ଵାନି ସହିତ ଗାଡ ଲାଲ ରଙ୍ଗର ମୁକୁଟ ପିନ୍ଧିଥିବାର ନଜର ଆସିଛନ୍ତି ।

ଚଳିତ ବର୍ଷ ଅଗଷ୍ଟରେ ଚହଲ ଧନଶ୍ରୀଙ୍କ ନିର୍ବନ୍ଧ ହୋଇଥିଲେ। ଉଭୟ ନିଜର ସମ୍ପର୍କକୁ ଦୀର୍ଘ ଦିନ ପର୍ଯ୍ୟନ୍ତ ଫ୍ୟାନ୍ସ ଓ ମିଡ଼ିଆ ନଜରୁ ଆଣିନଥିଲେ ।ଆଇପିଏଲ ସମୟରେ ଧନଶ୍ରୀ ଓ ଚହଲଙ୍କୁ ଦୁବାଇ ବ୍ୟତୀତ ବହୁ ଅନ୍ୟ ସ୍ଥାନରେ ଏକାଠି ଦେଖିବାକୁ ମିଳିଥିଲା। ଆଇପିଏଲର ୧୩ତମ ସିଜିନରେ ସେ ଷ୍ଟାଡିୟମରେ ଚହଲଙ୍କୁ ଉତ୍ସାହିତ କରୁଥିବା ଦେଖିବାକୁ ମିଳିଥିଲା।

ଚହଲ କିଛି ଦିନ ପୂର୍ବେ ଅଷ୍ଟ୍ରେଲିଆ ଗସ୍ତରୁ ଭାରତ ଫେରିଛନ୍ତି। ଚହଲ ଅଷ୍ଟ୍ରେଲିଆ ବିପକ୍ଷ ଦିନିକିଆ ଓ ଟି-୨୦ ପାଇଁ ଦଳରେ ସାମିଲ ଥିଲେ। ହେଲେ ସେ ଟି-୨୦କୁ ବାଦ୍ ଦେଲେ ଏହି ଗସ୍ତରେ ବିଶେଷ ପ୍ରଭାବଶାଳୀ ପ୍ରଦର୍ଶନ କରି ପାରିନଥିଲେ।