କିଙ୍ଗ ଖାନଙ୍କ ପତ୍ନୀ ଗୌରୀଙ୍କ ବିରୋଧରେ ଅଭିଯୋଗ

ବଲିଉଡ ଅଭିନେତା ଶାହରୁଖ ଖାନଙ୍କ ପତ୍ନୀ ଗୌରୀ ଖାନଙ୍କ ଅସୁବିଧା ବଢ଼ିବାକୁ ଲାଗିଛି। ଉତ୍ତରପ୍ରଦେଶର ଲକ୍ଷ୍ମୌରେ ତାଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଭାରତୀୟ ଦଣ୍ଡ ବିଧାନ ଆଇନ (ଆଇପିସି)ର ଧାରା ୪୦୯ଅନୁଯାୟୀ ଗୌରୀଙ୍କ ନାମରେ ମାମଲା ରୁଜୁ ହୋଇଛି।

ମୁମ୍ବାଇର ବାସିନ୍ଦା ଜସୱନ୍ତ ଶାହା କିଙ୍ଗ ଖାନଙ୍କ ପତ୍ନୀ ଗୌରୀଙ୍କ ବିରୋଧରେ ଅଭିଯୋଗ କରି କହିଛନ୍ତି ଯେ, ‘ଲକ୍ଷ୍ନୌର ସୁଶାନ୍ତ ଗଲ୍ଫ ସିଟି ଅଞ୍ଚଳର ତୁଲସିଆନି ଗଲ୍ଫ ଭ୍ୟୁରେ ଥିବା ଏକ ଫ୍ଲାଟ ପାଇଁ ମୁଁ ପ୍ରାୟ ୮୬ ଲକ୍ଷ ଟଙ୍କା ଦେଇଥିଲି। ଟଙ୍କା ନେବା ପରେ ମଧ୍ୟ ବିଲଡରମାନେ ଫ୍ଲାଟକୁ ଅନ୍ୟ କାହାକୁ ଦେଇ ଦେଇଛନ୍ତି। ଏଥିରେ ଗୌରୀ ଖାନଙ୍କ ନାମ ଯୋଡିବାର କାରଣ ହେଉଛି ବ୍ରାଣ୍ଡ୍ ଆମ୍ବାସାଡର ଗୌରୀଙ୍କ ପ୍ରଚାର- ପ୍ରସାର ଦ୍ୱାରା ପ୍ରଭାବିତ ହେବା ପରେ ମୁଁ ଫ୍ଲାଟ ବୁକ୍ କରିଥିଲି। ଏବେ ଏଥିପାଇଁ ମୋତେ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି।’