ବଲିଉଡ୍ରେ ଡେବ୍ୟୁ କରିବେ ଏହି ଅଭିନେତ୍ରୀଙ୍କ ଭାଇ ରାଜୀବ
ମୁମ୍ବାଇ : ବିବେକ ଓବରୟଙ୍କ ଅପ୍କମିଙ୍ଗ ଫିଲ୍ମ ‘ଇତି:କ୍ୟାନ୍ ୟୁ ସଲ୍ଭ ୟୋର ଓନ୍ ମର୍ଡର’ର ଫାଷ୍ଟ ଲୁକ୍ ଜାରି ହୋଇଛି । ଏହି ଫିଲ୍ମ ଜରିଆରେ ଅଭିନେତ୍ରୀ ସୁସ୍ମିତା ସେନ୍ଙ୍କ ଭାଇ ରାଜୀବ ସେନ୍ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି । ଫାଷ୍ଟ ଲୁକ୍ ପୋଷ୍ଟରକୁ ସେ ନିଜ ଇନ୍ଷ୍ଟା ଏକାଉଣ୍ଟରେ ସେୟାର କରିଛନ୍ତି ।
ପୋଷ୍ଟରରେ ରାଜୀବଙ୍କର ଚେହେରା ଦେଖାଯାଉନାହିଁ । ସେ ଏକ ଗାଡ଼ିରେ ବସି ବାହାରକୁ ଦେଖୁଛନ୍ତି । ଫିଲ୍ମଟି ଏକ ମର୍ଡର ମିଷ୍ଟ୍ରି ଡ୍ରାମା । ନିର୍ଦ୍ଦେଶନା ଦେଉଛନ୍ତି ବିଶାଲ ମିଶ୍ରା । ବିବେକ ଓବରୟ ଏହାର ପ୍ରଯୋଜନାରେ ଅଛନ୍ତି । ପ୍ରଯୋଜନା ସହିତ ଫିଲ୍ମରେ ସେ ପ୍ରଭୁ ସିଂହ ଚରିତ୍ର ନିର୍ବାହ କରିବେ । ସୂଚନାଥାଉକି, ବିଗତ କିଛି ଦିନ ହେଲା ରାଜୀବ ନିଜର ବ୍ୟକ୍ତିଗତ ଜୀବନ ପାଇଁ ଚର୍ଚ୍ଚାରେ ଅଛନ୍ତି । ପତ୍ନୀ ଚାରୁ ଅସୋପାଙ୍କ ସହ ତାଙ୍କର ମନୋମାଳିନ୍ୟ ଖବର ଏବେ ଚର୍ଚ୍ଚାରେ ରହିଛି ।