ନାବାଳିକାଙ୍କୁ ଯୌନ ନିର୍ଯାତନା ଅଭିଯୋଗ
ପାଟନା: ଲଜ୍ଜା । ପୁଣି ଲଜ୍ଜା । ଥମିବାର ନାଁ ଧରୁନି ଦୁଷ୍କର୍ମକାରୀଙ୍କ ସଂଖ୍ୟା । କିଛି କ୍ଷଣର ସୁଖ ଲାଗି ମଣିଷ ପାଲଟି ଯାଉଛି ପଶୁ । ବୟସର ତାରତମ୍ୟ ନଦେଖି କରି ଘଟାଉଛି ଅମାନୁଷିକ କାର୍ଯ୍ୟ । ଜଣେ ନାବାଳିକା ଛାତ୍ରୀଙ୍କୁ ସ୍କୁଲ ମାଲିକ ଯୌନ ନିର୍ଯାତନା ଦେଉଥିବାର ଅଭିଯୋଗ ହୋଇଛି । ବିହାରର ଔରାଙ୍ଗାବାଦ୍ ଜିଲ୍ଲାର ଏକ ସ୍କୁଲ ହଷ୍ଟେଲରେ ରହୁଥିବା ଜଣେ ୧୨ବର୍ଷର ବାଳିକାକୁ ସ୍କୁଲ ମାଲିକ ଯୌନ ନିର୍ୟାତନା ଦେଇଥିବା ଅଭିଯୋଗ ହୋଇଛି। ଏ ନେଇ ରବିବାର ପୋଲିସ ପକ୍ଷରୁ ସୂଚନା ମିଳିଛି । ମହିଳା ପୋଲିସ ଷ୍ଟେସନରେ ଦାଖଲ ହୋଇଥିବା ଏଫଆଇଆର ଅନୁଯାୟୀ ପୀଡିତା ଅଭିଯୋଗ କରିଛନ୍ତି ଯେ ଔରାଙ୍ଗାବାଦ୍ର ଦାଉଦ୍ନଗର ଅଞ୍ଚଳରେ ଅବସ୍ଥିତ ବିଦ୍ୟାଳୟର ମାଲିକ ରାଜୁ କୁମାର ଗତ ଦୁଇ ଦିନ ଧରି ତାଙ୍କୁ ବଳାତ୍କାର କରିଥିଲେ। ରବିବାର ସେ ହଷ୍ଟେଲରୁ ଖସିଯିବା ସହ ନିକଟସ୍ଥ ପୋଲିସ ଷ୍ଟେସନରେ ପହଞ୍ଚିଥିଲେ। ଯେତେବେଳେ ସେ ତାଙ୍କ ଘଟଣା ବିଷୟରେ କହିଥିଲେ, ତୁରନ୍ତ ତାଙ୍କୁ ପୋଲିସ ହେପାଜତରେ ଥିବା ମହିଳା ପୋଲିସ ଷ୍ଟେସନକୁ ପଠାଯାଇଥିଲା। ପୀଡିତା ଜଣକ ହଷ୍ଟେଲରେ ରହୁଥିବା ଏକମାତ୍ର ଛାତ୍ରୀ ଥିଲେ।
ତାଙ୍କ ପିତା ଏବଂ ମା ଗୁଜୁରାଟର ଏକ ଘରୋଇ ସଂସ୍ଥାରେ କାମ କରୁଛନ୍ତି। ମାଲିକ ଝିଅର ସରଳତାର ସୁଯୋଗ ନେଇଥିଲା । ଶୁକ୍ରବାର ଏବଂ ଶନିବାର ରାତିରେ ସେ ପୀଡିତାଙ୍କୁ ଯୌନ ନିର୍ୟାତନା ଦେଇଥିଲେ। ମହିଲା ପୋଲିସ ଷ୍ଟେସନର ତଦନ୍ତକାରୀ ଅଧିକାରୀ ସୁମନ କୁମାର କହିଛନ୍ତି ଯେ, ଯଦି ସେ ଏହି ଘଟଣା ବିଷୟରେ କାହାକୁ କୁହନ୍ତି ତେବେ ଅଭିଯୁକ୍ତ ଭୟଙ୍କର ପରିଣାମ ମଧ୍ୟ ଧମକ ଦେଇଛି। ସେ କହିଛନ୍ତି, ଆମେ ପୀଡ଼ିତାଙ୍କ ଡାକ୍ତରୀ ପରୀକ୍ଷା କରିସାରିଛୁ, ଯେଉଁଥିରେ ବଳାତ୍କାର ନିଶ୍ଚିତ ହୋଇଛି। ପସ୍କୋ ଆଇନ୍ ଅନୁଯାୟୀ, ଅଭିଯୁକ୍ତ ବିରୁଧରେ ମାମଲା ରୁଜୁ କରାଯାଇଛି । ବର୍ତ୍ତମାନ ଅଭିଯୁକ୍ତ ଫେରାର ଅଛି । ତଦନ୍ତ ଚାଲିଛି ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।