ୟୁଟ୍ୟୁବର ନୂଆ ସିଇଓ ହେବେ ନିଲ୍ ମୋହନ
ଗୁଗୁଲ୍ର ଅନ୍ଲାଇନ୍ ଭିଡିଓ ପ୍ଲାଟଫର୍ମ ୟୁଟ୍ୟୁବ୍ର ସିଇଓ ପଦରୁ ସୁସାନ ୱଜସିକି ଇସ୍ତଫା ଦେଇଛନ୍ତି। ତାଙ୍କ ସ୍ଥାନରେ କଂପାନିର ନୂଆ ସିଇଓ ଭାବେ ପ୍ରବାସୀ ଭାରତୀୟ ନିଲ୍ ମୋହନଙ୍କୁ ନିଯୁକ୍ତ କରାଯିବ। ଷ୍ଟାନ୍ଫୋର୍ଡ ବିଶ୍ବବିଦ୍ୟାଳୟରୁ ଇଞ୍ଜିନିୟରିଂ ଶିକ୍ଷା ଗ୍ରହଣ କରିଥିବା ନିଲ୍ ଗୁଗୁଲ୍ରେ ଯୋଗ ଦେବା ପୂର୍ବରୁ ଆସେଞ୍ଚର, ମାଇକ୍ରୋସଫ୍ଟରେ କାମ କରିଥିଲେ। ୨୦୧୫ ନଭେମ୍ବରଠାରୁ ସେ ୟୁଟ୍ୟୁବ୍ର ଚିଫ୍ ପ୍ରଡକ୍ଟ ଅଫିସର ଭାବେ କାମ କରୁଛନ୍ତି। ଇସ୍ତଫା ଦେଇଥିବା ସୁସାନଙ୍କୁ ୨୦୧୪ରେ ୟୁଟ୍ୟୁବ୍ ସିଇଓ ଭାବେ ନିଯୁକ୍ତ କରାଯାଇଥିଲା। ସେହି ପଦରେ ଦୀର୍ଘଦିନ ପର୍ଯ୍ୟନ୍ତ କାମ କରିବା ପରେ ଏବେ ସେ ପରିବାର, ସ୍ବାସ୍ଥ୍ୟ ଓ ବ୍ୟକ୍ତିଗତ ପ୍ରକଳ୍ପ ଉପରେ କାମ କରିବାକୁ ଚାହୁଥିବାରୁ ଇସ୍ତଫା ଦେବେ। ଗୁଗୁଲ୍ ସହ ସେ ଦୀର୍ଘ ୨୫ ବର୍ଷ ଧରି ରହିଥିଲେ। ଗୁଗୁଲ୍ରେ ଯୋଗ ଦେବା ପୂର୍ବରୁ ସେ ଇଣ୍ଟେଲ୍ରେ କାମ କରୁଥିଲେ।