ଶସ୍ତା ହେଲା ସୁନା ମୂଲ୍ୟ

ଦିଲ୍ଲୀ : ଲଗାତାର ଚତୁର୍ଥ ଦିନ ଧରି ସୁନା ମୂଲ୍ୟ ହ୍ରାସ ପାଇଛି । ଆଜି ପୁଣି ସୁନା ୫୦ ଟଙ୍କା କମିଛି । ଆଜି ସୁନା ମୂଲ୍ୟ ୧୦ ଗ୍ରାମକୁ ୩୪ ହଜାର ଅଛି । ସୁନାର ଦାବି କମିଯିବା ହେତୁ ମୂଲ୍ୟ ହ୍ରାସ ପାଇଥିବା ଗହଣା ବ୍ୟବସାୟୀ କହିଛନ୍ତି ।
ସୁନା ସହ ରୂପା ମୂଲ୍ୟ ମଧ୍ୟ ହ୍ରାସ ପାଇଛି । ରୂପା ୧୫୦ ଟଙ୍କା ହ୍ରାସ ପାଇ କିଲୋଗ୍ରାମକୁ ୪୦ ହଜାର ୬୫୦ ଟଙ୍କା ହୋଇଛି । ରୂପା ମୂଲ୍ୟ ହ୍ରାସ ପାଇବା ଯୋଗୁଁ ବ୍ୟବସାୟୀଙ୍କ କାରବାର ଟିକେ ବୃଦ୍ଧି ପାଇଛି ।
ଦେଶର ରାଜଧାନୀ ଦିଲ୍ଲୀରେ ୯୯.୯ ପ୍ରତିଶତ ୯୯.୫ ପ୍ରତିଶତ ଶୁଦ୍ଧ ସୁନା ୧୦ ଗ୍ରାମକୁ କ୍ରମଶଃ ୫୦ ଟଙ୍କା ହ୍ରାସ ପାଇ ୩୪ ହଜାର ଏବଂ ୩୩ ହଜାର ୮୫୦ ଟଙ୍କା ହୋଇଛି । ଗତ ୩ ଦିନ ହେଲା ସୁନା ମୂଲ୍ୟ ୨୩୦ ଟଙ୍କା ହ୍ରାସ ପାଇଛି ।